କେନ୍ଦ୍ରାପଡ଼ା: ଜିଲ୍ଲାର ଡେରାବିଶ ବ୍ଲକ କୁରୁଜଙ୍ଗା ପଞ୍ଚାୟତ ନୂଆଗାଁ ଗ୍ରାମର ନୃସିଂହ ରାଉତ । ଦୀର୍ଘ 22ବର୍ଷ ହେବ ସୁରତର ଏକ ସୁତାକଳରେ କାମ କରନ୍ତି । ପ୍ରତି ବର୍ଷ ରଜରେ ନୃସିଂହ ଘରକୁ ଫେରିବା ବେଳେ ପରିବାର ପାଇଁ ବସ୍ତ୍ର, ମିଠା ଆଉ ଗୁଜୁରାଟର ପ୍ରସିଦ୍ଧ ବିସ୍କୁଟ ଆଣିବାକୁ ଭୁଲି ନଥାନ୍ତି।
ହେଲେ ଏଥର କୋରୋନା ଲଡକାଉନ ପାଇଁ ନୃସିଂହଙ୍କ ରଜ ମଉଜ ମଉଳିଯାଇଛି । ତାଲାବନ୍ଦ ଯୋଗୁଁ ସୂତାକଳ ବନ୍ଦ ହେବା ପରେ, ଘରକୁ ଫେରିବା ନେଇ ପଡିଯାଇଥିଲେ ଚିନ୍ତାରେ.... ତେବେ ସ୍ବଳ୍ପ ସଞ୍ଚିତ ଅର୍ଥରେ ନୃସିଂହ ଖାଲି ହାତରେ ଘରକୁ ଫେରିଛନ୍ତି । ଏଭଳି ସ୍ଥିତିରେ ଦୁଇଝିଅ ଓ ପରିବାର କିପରି ଗଣପର୍ବ ରଜ ପାଳିବେ ତାହା ଘାରିଛି ନୃସିଂହଙ୍କୁ । ନିଜ ଅଲିଅଳି ଦୁଇଝିଅଙ୍କୁ ଯେନତେନ ପ୍ରକାରେ ବୁଝାଇ ଥିଲେ ମଧ୍ୟ ନିଜ ମନ ବୁଝୁନାହିଁ ପାଖରେ ଟଙ୍କା ନଥିବାରୁ।
ଗଣପର୍ବ ପାଇଁ ଚିନ୍ତାରେ ପ୍ରବାସୀ ଓଡ଼ିଆ