କେନ୍ଦ୍ରାପଡ଼ା: ଖରୋସ୍ରୋତା ନଦୀରେ ହେବାକୁ ଥିବା ମେଗା ପାନୀୟ ଜଳ ପ୍ରକଳ୍ପକୁ କେନ୍ଦ୍ରାପଡାବାସୀଙ୍କ ବିରୋଧ । ଏହାକୁ ବିରୋଧ କରି ଖରସ୍ରୋତା ବଞ୍ଚାଅ ସଂଗ୍ରାମ ସମିତି ଜଳ ସତ୍ୟାଗ୍ରହ ଆନ୍ଦୋଳନ କରିଛି । ପ୍ରସ୍ତାବିତ ପ୍ରକଳ୍ପକୁ ବନ୍ଦ କରିବା ଆନ୍ଦୋଳନକାରୀଙ୍କ ଦାବି ରହିଛି ।
କେନ୍ଦ୍ରାପଡା ଜିଲ୍ଲାରେ ଖରସ୍ରୋତା ବଞ୍ଚାଅ ସଂଗ୍ରାମ ସମିତି ପକ୍ଷରୁ ଅଭିନବ ଉପାୟରେ ଆନ୍ଦୋଳନ କରାଯାଇଛି । ସମିତି ପକ୍ଷରୁ ଜିଲ୍ଲା ସ୍ଥିତ ରାଜକନିକା ଭାରିଗଦାଠାରେ ଖରସ୍ରୋତା ନଦୀରେ ହେବାକୁ ଥିବା ମେଗା ପାନୀୟ ଜଳ ପ୍ରକଳ୍ପକୁ ବିରୋଧ କରାଯାଇଛି । ପ୍ରକଳ୍ପକୁ ବନ୍ଦ କରିବା ଦାବିନେଇ ଆଜି(ରବିବାର) ଶତାଧିକ ମହିଳା ଖରସ୍ରୋତା ନଦୀ ନିକଟରେ ଏକାଠି ହୋଇଥିଲେ । ମହିଳାମାନେ ନଦୀ ମଧ୍ୟରେ ପଶି ଜଳ ସତ୍ୟାଗ୍ରହ କରିଛନ୍ତି ।
କେନ୍ଦ୍ରାପଡାରେ ମେଗା ପାନୀୟଜଳ ପ୍ରକଳ୍ପକୁ ବିରୋଧ, ଶତାଧିକ ମହିଳାଙ୍କ ଜଳ ସତ୍ୟାଗ୍ରହ