ହାଇଓ୍ବା ଧକ୍କାରେ ଜଳଖିଆ ଦୋକାନୀ ମୃତ

କେନ୍ଦ୍ରାପଡା କଟକ ଚାନ୍ଦବାଲି ରାଜ୍ୟ ରାଜପଥ ଚାନ୍ଦୋଳ ପେଟ୍ରୋଲ ପମ୍ପ ନିକଟରେ ଦୁର୍ଘଟଣା । ହାଇଓ୍ବା ଧକ୍କାରେ ଜଳଖିଆ ଦୋକାନୀଙ୍କ ମୃତ୍ୟୁ । ଅଧିକ ପଢନ୍ତୁ...

କେନ୍ଦ୍ରାପଡା: ଜିଲ୍ଲାର କଟକ ଚାନ୍ଦବାଲି ରାଜ୍ୟ ରାଜପଥ ଚାନ୍ଦୋଳ ପେଟ୍ରୋଲ ପମ୍ପ ନିକଟରେ ସଡକ ଦୁର୍ଘଟଣା । ବାଲି ବୋଝେଇ ହାଇଓ୍ବା ଧକ୍କାରେ ଜଣକ ମୃତ୍ୟୁ । ମୃତକ ରଜାଙ୍ଗ ଗ୍ରାମର ପ୍ରସନ୍ନ ଘଡେଇ ।

ସୂଚନାଯୋଗ୍ୟ, ପ୍ରସନ୍ନ ଚାନ୍ଦୋଳ ବଜାରରେ ଏକ ଜଳଖିଆ ଦୋକାନ କରିଥିଲେ । ମଧ୍ୟାହ୍ନରେ ଦୋକାନରୁ କାମ ସାରି ଘରକୁ ଫେରୁଥିବାବେଳେ ପେଟ୍ରୋଲ ପମ୍ପ ନିକଟରେ ଏକ ବାଲି ବୋଝେଇ ଟ୍ରକ ତାଙ୍କୁ ପଛ ପଟୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ହିଁ ସେ ଆଖି ବୁଜିଥିଲେ ।

ସେପଟେ ସ୍ଥାନୀୟ ଲୋକ ମୃତକଙ୍କ ପରିବାରକୁ କ୍ଷତିପୂରଣ ଦାବିରେ ରାସ୍ତାରେ ମୃତଦେହ ରଖି ରାସ୍ତାରୋକ କରିଛନ୍ତି । ଘଟଣାସ୍ଥଳରେ ସଦର ଥାନା ପୋଲିସ ପହଞ୍ଚି ମୃତଦେହ ଜବତ କରି ତଦନ୍ତ ଆରମ୍ଭ କରିଛି ।

କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ