କେନ୍ଦ୍ରାପଡା: କେନ୍ଦ୍ରାପଡ଼ା ଜିଲ୍ଲାରେ ମେଡିକାଲ କଲେଜ ଓ ହସ୍ପିଟାଲ ପ୍ରତିଷ୍ଠା ନେଇ ଆନ୍ଦୋଳନକୁ ଓହ୍ଲାଇଛି ସଚେତନ ନାଗରିକ ମଞ୍ଚ। ସାକ୍ଷରତାରେ ରାଜ୍ୟରେ ତୃତୀୟ ସ୍ଥାନରେ ରହିଛି କେନ୍ଦ୍ରାପଡା । ସେହିପରି ଅର୍ଥନୈତିକ ବିକାଶ ଦିଗରେ ମଧ୍ୟ ରାଜ୍ୟରେ ୨୭ତମ ସ୍ଥାନରେ କେନ୍ଦ୍ରାପଡା ଥିବାବେଳେ କାହିଁକି ମେଡିକାଲ କଲେଜ ପ୍ରତିଷ୍ଠା କରାଯାଉନାହିଁ । ଏନେଇ ଆଜି କେନ୍ଦ୍ରାପଡ଼ାର ଆରାଧ୍ୟ ବଳଦେବଜୀଉଙ୍କ ମନ୍ଦିରରୁ ଏକ ବିଶାଳ ବାଇକ ଶୋଭାଯାତ୍ରା ବାହାରି ଟାଉନ ହଲ ଠାରେ କୋଭିଡ କଟକଣା ଅନୁଯାୟୀ ଏକ ସାଧାରଣ ସଭା ଅନୁଷ୍ଠିତ ହୋଇଛି।
କେନ୍ଦ୍ରାପଡାରେ ମେଡିକାଲ କଲେଜ ଓ ହସ୍ପିଟାଲ ଦାବିରେ ବିଶାଳ ବାଇକ ଶୋଭାଯାତ୍ରା
ଏହି ସଭାରେ କେନ୍ଦ୍ରାପଡ଼ା ଜିଲ୍ଲାରେ ଭିତ୍ତିଭୂମି ବିକାଶ ହୋଇଥିବାବେଳେ ମେଡିକାଲ କଲେଜ ଓ ହସ୍ପିଟାଲ ପ୍ରତିଷ୍ଠା କାହିଁକି ହୋଇପାରୁନାହିଁ ସେନେଇ ତୀବ୍ର ସମାଲୋଚନା କରାଯାଇଛି । ଜିଲ୍ଲାରେ ୫ ଜଣ ବିଧାୟକ ଓ ସାଂସଦ ଶାସକ ଦଳର ହୋଇଥିବାବେଳେ ଏନେଇ ସ୍ବର ଉତ୍ତୋଳନ ନ କରିବା ସେମାନଙ୍କ ପାରିବା ପଣିଆକୁ ପଦାରେ ପକାଇଛି ବୋଲି ଆଲୋଚନା ହୋଇଛି।