କେନ୍ଦ୍ରାପଡ଼ା: ତିନି ଦିନିଆ ଓଡ଼ିଶା ଗସ୍ତରେ ରାଜ୍ୟସଭା ସାଂସଦ ତଥା ବିଜେପି ଓଡିଶା ସହପ୍ରଭାରୀ ବିଜୟପାଲ ସିଂହ ତୋମାର। ଆଜି(ଗୁରୁବାର) କେନ୍ଦ୍ରାପଡ଼ା ଜିଲ୍ଲା ବିଜେପିର ଏକ ସାଙ୍ଗଠନିକ ବୈଠକରେ ଯୋଗ ଦେଇଛନ୍ତି ବିଜୟପାଲ ସିଂହ ତୋମାର। ଏହି ଅବସରରେ ତୃଣମୂଳ ସ୍ତରରେ କର୍ମୀଙ୍କୁ ସଫଳତା ପାଇବା ପାଇଁ ଗୁରୁମନ୍ତ୍ର ଦେଇଛନ୍ତି ରାଜ୍ୟ ବିଜେପି ସହପ୍ରଭାରୀ। ଏହାସହ ମାହାଙ୍ଗା ହତ୍ୟାକାଣ୍ଡ ନେଇ ରାଜ୍ୟ ସରକାରଙ୍କୁ ଭତ୍ସର୍ନା କରିଛନ୍ତି ।
ମାହାଙ୍ଗା ହତ୍ୟାକାଣ୍ଡ: ବିଜେପି ସହ ପ୍ରଭାରୀଙ୍କ ରାଜ୍ୟ ସରକାରଙ୍କୁ ଟାର୍ଗେଟ
ସ୍ଥାନୀୟ ଏକ ଘରୋଇ ହୋଟେଲରେ ଆୟୋଜିତ ଏହି ବୈଠକରେ ବହୁ ବିଜେପି କର୍ମି ଯୋଗ ଦେଇଥିଲେ। ବିଜେପି ଏକ ଲୋକତାନ୍ତ୍ରିକ ଦଳ। ଏହି ଦଳର କର୍ମକର୍ତ୍ତା ରାଜ୍ୟ ସଭାପତିରୁ ଦେଶର ପ୍ରଧାନମନ୍ତ୍ରୀ ହୋଇ ପାରିବେ। ଅନ୍ୟ ରାଜନୈତିକ ଦଳଠାରୁ ବିଜେପି ଦଳ ଭିନ୍ନ। ଏଥିପାଇଁ ସଙ୍ଗଠନକୁ ବୁଥ ସ୍ତର ପର୍ଯ୍ୟନ୍ତ ମଜଭୁତ କରିବା ଆବଶ୍ୟକତା ରହିଛି ବୋଲି ସେ କହିଛନ୍ତି।