ଭୁବନେଶ୍ବର: ପାଟକୁରା ପ୍ରଚାର ମଇଦାନରେ ନବୀନ । ହାଇଟେକ ବସରେ ପ୍ରଚାର କରୁଛନ୍ତି ବିଜେଡି ସୁପ୍ରିମୋ । ଦଳୀୟ ପ୍ରାର୍ଥୀ ସାବିତ୍ରୀ ଅଗ୍ରୱାଲଙ୍କ ପାଇଁ ଚାଲିଛି ଭୋଟ ଭିକ୍ଷା । ସମ୍ମାନ ଓ ସ୍ବାଭିମାନର ନିର୍ବାଚନ କୁହାଯାଉଥିବା ପାଟକୁରାରେ ବିଜୟ ପାଇଁ ଫୁଲ ଦମରେ ଲାଗିଛି ବିଜେଡି ।
ପୂର୍ବାହ୍ନ ଠିକ ୧୦ଘଟିକା ସମୟରେ ବାରିମୂଳସ୍ଥିତ ଅସ୍ଥାୟୀ ହେଲିପ୍ୟାଡରେ ପହଞ୍ଚି ହାଇଟେକ ବସରେ ପ୍ରଚାର ପାଇଁ ବାହାରିଛନ୍ତି ମୁଖ୍ୟମନ୍ତ୍ରୀ। ଗରଦପୁର, ଡେରାବିଶ ଓ ମର୍ଶାଘାଇରେ ଚାଲିଛି ମାରାଥନ ପ୍ରଚାର । ବିଭିନ୍ନ ସ୍ଥାନକୁ ଯାଇ ଭୋଟ ମାଗୁଛନ୍ତି । ନିର୍ବାଚନ ପ୍ରଚାର ଦାୟିତ୍ବରେ ଥିବା ଅନ୍ୟ ନେତା ଓ ମନ୍ତ୍ରୀ ବି ନବୀନଙ୍କ ପ୍ରଚାରରେ ସାମିଲ ହୋଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦ୍ରାପଡା