କେନ୍ଦ୍ରାପଡା: ପାଣିରେ ଗାର ପରି ଧିରେ ଧିରେ ମିଳେଇବାରେ ଲାଗିଛି କାଳିଆ ଯୋଜନାରେ ରାଜ୍ୟ ସରକାର ତଥା ମୁଖ୍ୟମନ୍ତ୍ରୀ ଦେଇଥିବା ପ୍ରତିଶୃତି । ଏନେଇ ଗତ 13 ଦିନ ହେବ ନବ ନିର୍ମାଣ କୃଷକ ସଂଗଠନର ପ୍ରତିଷ୍ଠାତା ତଥା ରାଷ୍ଟ୍ରୀୟ ସଂଯୋଜକ ଅକ୍ଷୟ କୁମାର ଆମରଣ ଅନଶନରେ ବସିଛନ୍ତି । ଅକ୍ଷୟ କୁମାରଙ୍କ ଏହି ଅନଶନକୁ ସମର୍ଥନ ଜଣାଇ କେନ୍ଦ୍ରାପଡା ଜିଲ୍ଲା ନବନିର୍ମାଣ କୃଷକ ସଙ୍ଗଠନ ପକ୍ଷରୁ ଏକ ପ୍ରତୀକାତ୍ମକ ବିକ୍ଷୋଭ ଓ ଧାରଣା ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଅନୁଷ୍ଠିତ ହୋଇଛି ।
କାଳିଆ ଯୋଜନାରେ ସରକାରଙ୍କ ମିଛ ପ୍ରତିଶୃତି, ଗର୍ଜିଲା ନବ ନିର୍ମାଣ କୃଷକ ସଙ୍ଗଠନ
ଏଥିରେ ଚାଷୀମାନଙ୍କୁ ପ୍ରାଇସ, ପ୍ରେଷ୍ଟିଜ ଓ ପେନସନ ସମେତ କାଳିଆ ଯୋଜନାରେ ରାଜ୍ୟ ସରକାର ଘୋଷଣା କରିଥିବା 10,000 ଟଙ୍କା ବଦଳରେ 4000 ଟଙ୍କା ଦେବାର ନିଷ୍ପତ୍ତିକୁ ପ୍ରତିବାଦ, ସମସ୍ତ ଚାଷୀଙ୍କୁ କାଳିଆ ଯୋଜନାରେ ସାମିଲ କରିବା, ପ୍ରଥମ କିସ୍ତି ପାଇଥିବା ଚାଷୀଙ୍କୁ ଦ୍ଵିତୀୟ କିସ୍ତି ଶୀଘ୍ର ମିଳିବା ଆଦି ଦାବି କରି ଚାଷୀମାନଙ୍କ ପକ୍ଷରୁ ଏକ ବିଶାଳ ଧାରଣା ଦିଆଯାଇଛି ।