କେନ୍ଦ୍ରାପଡାରେ ଇଦ୍-ଉଲ୍-ଜୁହା: ବର୍ଷାରେ ଭିଜି ପଢିଲେ ନମାଜ

ରାଜ୍ୟର ବିଭିନ୍ନ ମସଜିଦରେ ସକାଳୁ ସକାଳୁ ସମୂହ ନମାଜ ପାଠ ପରେ ପରସ୍ପରକୁ ଇଦ୍ ଶୁଭେଚ୍ଛା ଜଣାଉଛନ୍ତି ମୁସଲିମ ସମ୍ପ୍ରଦାୟର ଲୋକେ ।

କେନ୍ଦ୍ରାପଡା: ଆଜି ପବିତ୍ର ଇସଲାମିକ ଧର୍ମର ଭାଇ ଓ ଭଉଣୀଙ୍କ ତ୍ୟାଗ ଓ ବଳିଦାନର ଦିବସ ଇଦ୍-ଉଲ୍-ଜୁହା । ରାଜ୍ୟର ବିଭିନ୍ନ ମସଜିଦରେ ସକାଳୁ ସକାଳୁ ସମୂହ ନମାଜ ପାଠ ପରେ ପରସ୍ପରକୁ ଇଦ୍ ଶୁଭେଚ୍ଛା ଜଣାଉଛନ୍ତି ମୁସଲିମ ସମ୍ପ୍ରଦାୟର ଲୋକେ । ଏଥିପାଇଁ ଚଳଚଞ୍ଚଳ ଓ ଉତ୍ସବମୁଖର ହୋଇ ଉଠିଛି କେନ୍ଦ୍ରାପଡା ସହର ।

କେନ୍ଦ୍ରାପଡ଼ା ଜିଲ୍ଲାରେ ଥିବା ସମସ୍ତ ମୁସଲମାନ ଭାଇମାନେ ଆଜି ସକାଳ 8ଟାରୁ ସ୍ଥାନୀୟ ଇଦଘା ପଡ଼ିଆରେ ନମାଜ ପାଠ ପଢିବା ପରେ ପରସ୍ପରକୁ ଆଲିଙ୍ଗନ କରି ମୁବାରକ ଶୁଭେଚ୍ଛା ଜଣାଇଥିଲେ । ତେବେ ପ୍ରତିକୂଳ ପାଗ ସତ୍ତ୍ବେ ବର୍ଷାରେ ଭିଜି ବି ନମାଜ ପଢିଥିଲେ ।

ମୌଲାନା ଫାରୁକରୁଦ୍ଦିନ ଆସିଙ୍କ କହିବାନୁଯାୟୀ, ହିନ୍ଦୁସ୍ତାନର ସମସ୍ତ ମୁସଲମାନ ଭାଇଭଉଣୀ ଦେଶଭକ୍ତ ହେବାସହ ଶାନ୍ତି ଓ ମୈତ୍ରୀ ବଜାୟ ରଖିବାକୁ କହିଛନ୍ତି । ତେବେ କେନ୍ଦ୍ରାପଡା ଦରଘା, ମସଜିଦ ଭଳି ପ୍ରମୁଖ ପ୍ରାର୍ଥନାପୀଠକୁ ସଜାଯାଇଛି । ଶାନ୍ତି ଶୃଙ୍ଖଳାକୁ ଦୃଷ୍ଟିରେ ରଖି ଜିଲ୍ଲା ପୁଲିସ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି ।

କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ