କେନ୍ଦ୍ରାପଡ଼ା:ପଟ୍ଟାମୁଣ୍ଡାଇରେ ନିର୍ମାଣ ହେବ 50 ଶଯ୍ୟା ବିଶିଷ୍ଟ କ୍ରିଟିକାଲ କେୟାର ହସ୍ପିଟାଲ । ଖର୍ଚ୍ଚ ହେବ 17 କୋଟି ଟଙ୍କା । ଶକ୍ତିମନ୍ତ୍ରୀ ତଥା ଆଳି ବିଧାୟକ ପ୍ରତାପ କେଶରୀ ଦେବ ଆଜି ଏହି ପ୍ରକଳ୍ପର ଶିଳାନ୍ୟାସ କରିଛନ୍ତି । ଖୁବଶୀଘ୍ର ପ୍ରକଳ୍ପ କାର୍ଯ୍ୟ ଆରମ୍ଭ କରିବା ପାଇଁ ବିଭାଗକୁ ନିର୍ଦ୍ଦେଶ ଦେଇଥିବା କହିଛନ୍ତି ଶକ୍ତିମନ୍ତ୍ରୀ ।
ସୂଚନା ଅନୁଯାୟୀ, କେନ୍ଦ୍ରାପଡା ପଟ୍ଟାମୁଣ୍ଡାଇ ମ୍ୟୁନିସିପାଲିଟି ଅନ୍ତର୍ଗତ କଷଣଅଣ୍ଟା ଠାରେ 50 ଶଯ୍ୟା ବିଶିଷ୍ଟ କ୍ରିଟିକାଲ କେୟାର ହସ୍ପିଟାଲର ଶିଳାନ୍ୟାସ ହୋଇଛି । 17 କୋଟି ଟଙ୍କା ବ୍ୟୟରେ ନିର୍ମାଣ ହେବାକୁ ଥିବା ଏହି ପ୍ରକଳ୍ପକୁ ଆଜି ଶକ୍ତିମନ୍ତ୍ରୀ ତଥା ଆଳି ବିଧାୟକ ପ୍ରତାପ କେଶରୀ ଦେବ ଶିଳାନ୍ୟାସ କରିଛନ୍ତି । ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ କେନ୍ଦ୍ରାପଡା଼ ଜିଲ୍ଲାର ପଟ୍ଟାମୁଣ୍ଡାଇ, ରାଜନଗର ଓ ଆଳିରୁ ଶତାଧିକ ମହିଳା ଓ ପୁରୁଷମାନେ ସାମିଲ ହୋଇଥିଲେ । ଏହି ହସ୍ପିଟାଲ ନିର୍ମିତ ହେଲେ ଚାରୋଟି ବ୍ଲକର ଲୋକେ ବିଶେଷ ଭାବେ ଉପକୃତ ହେବେ ।
ଏହା ମଧ୍ୟ ପଢନ୍ତୁ:ଲୋକପ୍ରତିନିଧିଙ୍କ ଭିକ୍ଷା ଘଟଣା: ଜିଲ୍ଲାପାଳ କହିଲେ 50-100 ଟଙ୍କାରେ କିଛି ହେବନି, ନିନ୍ଦା କଲେ ବୁଦ୍ଧିଜୀବୀ