କେନ୍ଦ୍ରାପଡା: ରାଜ୍ୟ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ଚଳିତବର୍ଷ ହେବାକୁ ଥିବା ମାଧ୍ୟମିକ ଶିକ୍ଷା ବୋର୍ଡ ଦ୍ୱାରା ପରିଚାଳିତ ପରୀକ୍ଷାଗୁଡିକୁ ବାତିଲ କରିଛନ୍ତି ରାଜ୍ୟ ସରକାର । ତଦନୁଯାୟୀ ମାଟ୍ରିକ ପରୀକ୍ଷା ବାତିଲ କରାଯାଇ ବୋର୍ଡ ଦ୍ୱାରା ନିର୍ଦ୍ଧାରିତ ପଦ୍ଧତି ଅନୁଯାୟୀ ଛାତ୍ରଛାତ୍ରୀଙ୍କ ପରୀକ୍ଷା ଫଳ ପ୍ରକାଶ କରାଯିବ ବୋଲି ନିଷ୍ପତ୍ତି ନେଇଛନ୍ତି ରାଜ୍ୟ ସରକାର । ତେବେ ଏହି ନିଷ୍ପତ୍ତିକୁ ସହଜରେ ଗ୍ରହଣ କରିପାରୁନାହାନ୍ତି ମେଧାବୀ ଛାତ୍ରଛାତ୍ରୀ ।
ମାଟ୍ରିକ ପରୀକ୍ଷା ବାତିଲ, ଚିନ୍ତା ପ୍ରକଟ କଲେ ଛାତ୍ରଛାତ୍ରୀ
ମେଧାବୀ ଛାତ୍ରଛାତ୍ରୀଙ୍କ କହିବା ଅନୁଯାୟୀ ମାଟ୍ରିକ ପରୀକ୍ଷା ଥିବାରୁ ଦୈନିକ ୧୦ରୁ ୧୨ଘଣ୍ଟା ପରିଶ୍ରମ କରୁଥିଲେ ଓ ୯୦-୯୫% ମାର୍କ ରଖିବେ ବୋଲି ସେମାନଙ୍କ ଆଶା ଥିଲା । କିନ୍ତୁ ସରକାର ନେଇଥିବା ଆଜିର ନିଷ୍ପତ୍ତି କାରଣରୁ ସେମାନଙ୍କ ଭବିଷ୍ୟତ ଅନିଶ୍ଚିତତା ଆଡକୁ ମୁହାଁଇଛି । ବିନା ପରୀକ୍ଷାରେ ମାର୍କ ଦିଆଗଲେ ମେଧାବୀ ଛାତ୍ରଛାତ୍ରୀ ଏବଂ କମ୍ ପାଠପଢୁଥିବା ଛାତ୍ରଛାତ୍ରୀଙ୍କ ମଧ୍ଯରେ ତୁଳନା କରାଯିବ ବୋଲି ସେମାନେ ଅଭିଯୋଗ କରିଛନ୍ତି ।