କେନ୍ଦ୍ରାପଡ଼ା:ଜିଲ୍ଲାର ରାଜନଗର ଅଞ୍ଚଳରେ ଯାତ୍ରୀବାହୀ ବସ୍ ଧକ୍କାରେ ଜଣେ ବାଇକ ଆରୋହୀଙ୍କ ମୃତ୍ୟୁ ହୋଇଛି । ମୃତକ ରାଜନଗର ଥାନା ସାନ ନାଉକଣ ଗାଁର ମାଗୁଣି ପଢିହାରୀ ବୋଲି ଜଣାପଡ଼ିଛି । ସେ କୌଣସି କାର୍ଯ୍ୟରେ ବାଇକ ଯୋଗେ ଯାଉଥିବା ବେଳେ ସାନବଡ଼ ଗୋପାଳପୁର ନିକଟରେ ରାଜନଗରରୁ ଭୁବନେଶ୍ୱର ଯାଉଥିବା ଚନ୍ଦନ ନାମକ ଘରୋଇ ଯାତ୍ରୀବାହୀ ବସ୍ ତାଙ୍କୁ ଧକ୍କା ଦେଇଥିଲା ।
ବସ ଧକ୍କାରେ ଜଣେ ମୃତ, ଗାଁରେ ଚାପା ଉତ୍ତେଜନା
ଗୁରୁତର ଅବସ୍ଥାରେ ମାଗୁଣି ପଢିହାରୀଙ୍କୁ ପ୍ରଥମେ ରାଜନଗର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଭର୍ତ୍ତି କରାଯାଇଥିଲା । ତେବେ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ କେନ୍ଦ୍ରାପଡ଼ା ମୁଖ୍ୟ ସ୍ୱାସ୍ଥ୍ୟକେନ୍ଦ୍ରକୁ ସ୍ଥାନାନ୍ତର କରିବାକୁ ଡାକ୍ତର ପରାମର୍ଶ ଦେଇଥିଲେ । ତେବେ ଆମ୍ବୁଲାନ୍ସରେ କେନ୍ଦ୍ରାପଡ଼ା ଯାଉଥିବା ସମୟରେ ଗରାପୁର ନିକଟରେ ମାଗୁଣିଙ୍କ ମୃତ୍ୟୁ ହୋଇଥିଲା ।