କେନ୍ଦ୍ରାପଡା ମକର ମହୋତ୍ସବରେ ଯୋଗଦେଲେ ରାଜ୍ୟପାଳ

ବୁଧବାର କେନ୍ଦ୍ରାପଡା ଜିଲ୍ଲା ମାର୍ଶାଘାଇ ବ୍ଲକ ପକ୍ଷୋଟ ଠାରେ ମକର ମହୋତ୍ସବ ଅନୁଷ୍ଠିତ ହୋଇଯାଇଛି। ଉତ୍ସବରେ ବହୁ ଲୋକଙ୍କ ସମାଗମ ହୋଇଥିଲା ।

କେନ୍ଦ୍ରାପଡା: କେନ୍ଦ୍ରାପଡା ଜିଲ୍ଲା ମାର୍ଶାଘାଇ ବ୍ଲକ ପକ୍ଷୋଟ ଠାରେ ମକର ମହୋତ୍ସବ ଅନୁଷ୍ଠିତ ହୋଇଯାଇଛି। ବୁଧବାର ଅପରାହ୍ନରେ ରାଜ୍ୟପାଳ ପ୍ରଫେସର ଗଣେଶି ଲାଲ ଆନୁଷ୍ଠାନିକ ଭାବେ ଉଦଘାଟନ କରିଛନ୍ତି।

ଉତ୍ସବରେ ଯୋଗଦେଇ ଜଳ ସମ୍ପଦ ମନ୍ତ୍ରୀ କହିଛନ୍ତି ଲୋକମାନଙ୍କ ମନୋରଞ୍ଜନ ସହ ଏହି ଦ୍ବିପାଞ୍ଚଳର ସମସ୍ୟାକୁ ସରକାରଙ୍କ ଦୃଷ୍ଟିକୁ ଆଣିବା ପାଇଁ ଏହା ଏକ ମାଧ୍ୟମ ହୋଇପାରିଛି । ଏହାସହ ଅଞ୍ଚଳର ସମସ୍ୟା ସହିତ ଅବଗତ ଥିବା ଓ ମାନ୍ୟବର ରାଜ୍ୟପାଳ ଆସି ଏହି ମାଟିକୁ ସାର୍ଥକ କରିଥିବା ସେ କହିଛନ୍ତି । ମନ୍ତ୍ରୀ ଆହୁରି କହିଛନ୍ତି ଅଞ୍ଚଳରେ ଦୁଇଟି ପୋଲ କରାଯିବ ଏବଂ ରାସ୍ତାଘାଟ ସମସ୍ୟାକୁ ଦୂର କରାଯିବ ବୋଲି ଘୋଷଣା କରିଛନ୍ତି । ଉତ୍ସବରେ ମହାକାଳପଡା ବିଧାୟକ ଅତନୁ ସବ୍ୟସାଚୀ ନାୟକ ଯୋଗଦେଇ ଅଞ୍ଚଳର ବିକାଶ ଉପରେ ଗୁରୁତ୍ବାରୋପ କରିଥିଲେ ।

କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ