କେନ୍ଦ୍ରାପଡ଼ା: ଶିଶୁ ହତ୍ୟା ଘଟଣାରେ ଡେମୋ ଦେଖାଇଲା ଅଭିଯୁକ୍ତ । କେନ୍ଦ୍ରାପଡା ମହାକାଳପଡା ଥାନା ଅଧିନ ଅମିରାବାଦ ବାଙ୍କିଛନ୍ଦା ଗାଁରେ ଗତ ଅକ୍ଟୋବର 18 ତାରିଖରେ 4 ବର୍ଷର ଶିଶୁକନ୍ୟା ମୃତ୍ୟୁ ଘଟଣାରେ ଡେମୋ ଦେଖାଇଛି ଅଭିଯୁକ୍ତ । ମଙ୍ଗଳବାର ହତ୍ୟାକାରୀ ଦାଦା ଅଧିକାରୀ ବେହେରା ପୋଲିସ ସହ ହତ୍ୟାକାଣ୍ଡ ଘଟିଥିବା ବିଲରେ ପହଞ୍ଚି ହତ୍ୟାକାଣ୍ଡ ସମୟର ହୃଦୟ ବିଦାରକ ଦୃଶ୍ୟ ସମ୍ପର୍କରେ ବର୍ଣ୍ଣନା କରିଛି ।
ମହାକାଳପଡ଼ା ଶିଶୁ ମୃତ୍ୟୁ ଘଟଣାରେ ଡେମୋ ଦେଖାଇଲା ଅଭିଯୁକ୍ତ
ସୂଚନା ଅନୁଯାୟୀ, ଗତ 18 ତାରିଖ ସକାଳେ ଅମିରାବାଦ ଗାଁର ଦୈତାରୀ ବେହେରାଙ୍କ 4 ବର୍ଷର ଝିଅ ମଧୁସ୍ମିତା ଘରେ ଖେଳୁଥିଲା । ଏହି ସମୟରେ ତାଙ୍କ ସ୍ତ୍ରୀ ନଈକୁ ଗାଧୋଇବାକୁ ଯାଇଥିଲେ । ମାତ୍ର ଫେରିବା ପରେ ମଧୁସ୍ମିତା ଘରେ ନ ଥିଲେ । ବହୁ ଖୋଜାଖୋଜି ପରେ ଘର ନିକଟସ୍ଥ ଚାଷ ଜମିରୁ ମଧୁସ୍ମିତାଙ୍କ ମୃତଦେହ ମିଳିଥିଲା ।