ସ୍ନାନପୂର୍ଣ୍ଣିମାରେ ଶ୍ରୀ ବଳଦେବଜୀଉଙ୍କ ଦର୍ଶନ ମନା, ୧୪୪ ଧାରା ଜାରି କଲା ଜିଲ୍ଲା ପ୍ରଶାସନ

ଶ୍ରଦ୍ଧାଳୁଙ୍କ ପାଇଁ ଜିଲ୍ଲା ପ୍ରଶାସନ ପକ୍ଷରୁ 144 ଧାରା ଜାରି । କୋଭିଡ ନିୟମ ମାନି ହେବ ଶ୍ରୀ ବଳଦେବଜୀଉଙ୍କ ସ୍ନାନଯାତ୍ରା । ଅଧିକ ପଢନ୍ତୁ...

କେନ୍ଦ୍ରାପଡ଼ା:ସ୍ନାନପୂର୍ଣ୍ଣିମାରେ ଶ୍ରୀ ବଳଦେବଜୀଉଙ୍କୁ ଦର୍ଶନ କରିପାରିବେନି ଭକ୍ତ । ବୁଧବାର ସନ୍ଧ୍ୟା ୭ ଘଟିକାରୁ ଆସନ୍ତା ଶୁକ୍ରବାର ସକାଳ ୬ ଘଟିକା ପର୍ଯ୍ୟନ୍ତ ବଳଦେବଜୀଉ ମନ୍ଦିର ଠାରୁ ଗୁଣ୍ଡିଚା ମନ୍ଦିର ପ୍ରାୟ ୧କିଲୋମିଟର ଯାଏଁ ୧୪୪ ଧାରା ଜାରି କରିଛି ଜିଲ୍ଲା ପ୍ରଶାସନ ।

ସ୍ନାନପୂର୍ଣ୍ଣିମାର ରୀତିନୀତି ଅନୁଯାୟୀ ବଳଦେବଜୀଉଙ୍କ ମନ୍ଦିରରେ ସେବାୟତ ମାନଙ୍କ ଦ୍ଵାରା କୋଭିଡ ନିୟମ ଅନୁପାଳନ କରି ସ୍ନାନଯାତ୍ରା କରାଯିବାକୁ ଥିବାବେଳେ ମନ୍ଦିର ବାହାରର ଏକ କିଲୋମିଟର ପର୍ଯ୍ୟନ୍ତ କୌଣସି ଧାର୍ମିକ ଓ ଦର୍ଶନକୁ ବାରଣ କରିଛି ଜିଲ୍ଲା ପ୍ରଶାସନ ।

କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ