ମହିଳା ହଷ୍ଟେଲ ଝରକା ଭାଙ୍ଗି ଛାତ୍ରୀଙ୍କୁ ଅସଦାଚରଣ, ଅଭିଯୋଗ କରିବାରୁ ୱାର୍ଡେନଙ୍କ ଅଶାଳୀନ ମନ୍ତବ୍ୟ

ସୁରକ୍ଷିତ ନୁହନ୍ତି କଲେଜ ହଷ୍ଟେଲ ଛାତ୍ରୀ । ବିଳମ୍ବିତ ରାତିରେ ଲେଡିଜ୍‌ ହଷ୍ଟେଲ୍‌ ଝରକା ଭାଙ୍ଗି ଛାତ୍ରୀଙ୍କୁ ଆତଙ୍କିତ କଲେ ଦୁର୍ବୃତ୍ତ । କେନ୍ଦ୍ରାପଡା ସ୍ୱୟଂଶାସିତ ମହାବିଦ୍ୟାଳୟର ମହିଳା ହଷ୍ଟେଲରେ ଦେଖିବାକୁ ମିଳିିଛି ଏଭଳି ଏକ ଘଟଣା । ଅଧିକ ପଢ଼ନ୍ତୁ

କେନ୍ଦ୍ରାପଡ଼ା:ସୁରକ୍ଷିତ ନୁହନ୍ତି କଲେଜ ହଷ୍ଟେଲ ଛାତ୍ରୀ ! ବିଳମ୍ବିତ ରାତିରେ ଲେଡିଜ୍‌ ହଷ୍ଟେଲ୍‌ ଝରକା ଭାଙ୍ଗି ଛାତ୍ରୀଙ୍କୁ ଅସଦାଚରଣ କଲେ ଦୁର୍ବୃତ୍ତ । ଏହାକୁ ନେଇ ଅଭିଯୋଗ କରିବାରୁ ଓଲଟା ଛାତ୍ରୀଙ୍କୁ ଗାଳିଗୁଲଜ କରିବା ସହ ସେମାନଙ୍କୁ ନେଇ ଆଶାଳୀନ ମନ୍ତବ୍ୟ ଦେଇଛନ୍ତି ହଷ୍ଟେଲ୍‌ ୱାର୍ଡେନ । କେନ୍ଦ୍ରାପଡା ସ୍ୱୟଂଶାସିତ ମହାବିଦ୍ୟାଳୟର ମହିଳା ହଷ୍ଟେଲରେ ଦେଖିବାକୁ ମିଳିିଛି ଏଭଳି ଏକ ଲଜ୍ଜାଜନକ ଘଟଣା ।

ଗତକାଲି ବିଳମ୍ବିତ ରାତିରେ କିଛି ଦୁର୍ବୁର୍ତ୍ତ ହଷ୍ଟେଲ ପଛପଟ ଝରକା ଭାଙ୍ଗି ଭିତରକୁ ପଶି ଛାତ୍ରୀଙ୍କୁ ଦୁର୍ବ୍ୟବହାର କରିଥିଲେ । ତାସହ ଛାତ୍ରୀଙ୍କ ଟଙ୍କା, ମୋବାଇଲ ଲୁଟି ନେଇଛନ୍ତି । ତା ସହିତ ଦୁର୍ବୃତ୍ତ ଛାତ୍ରୀଙ୍କୁ ମରଣାନ୍ତକ ଆକ୍ରମଣ କରିଥିବା ମଧ୍ୟ ଅଭିଯୋଗ ହୋଇଛି । ଏହି ଘଟଣାକୁ ନେଇ ହଷ୍ଟେଲ ଛାତ୍ରୀ ୱାର୍ଡେନ ପୂର୍ଣ୍ଣମାସି ପଣ୍ଡାଙ୍କୁ ଅଭିଯୋଗ କରିଥିଲେ ।

ତେବେ ସେ ଘଟଣା ବୁଝିବା ପରିବର୍ତ୍ତେ ଛାତ୍ରୀଙ୍କୁ ଆହୁରୀ ଆଶାଳୀନ ଇଙ୍ଗିତ କରିଥିଲେ । ତା ସହିତ ଘଟଣା ସମ୍ପର୍କରେ ପୋଲିସକୁ ଖବର ଦେବାକୁ ମଧ୍ୟ ବିଳମ୍ବ କରିଥିବା ଅଭିଯୋଗ ହୋଇଛି । ଘଟଣା ଗତକାଲି ବିଳମ୍ବିତ ରାତିର ହୋଇଥିବା ବେଳେ ପୋଲିସ ଆଜି ଏତଲା ରଖିଛି । ଘଟଣା ସମ୍ପର୍କରେ ପୋଲିସ ପକ୍ଷରୁ କୌଣସି ପ୍ରତିକ୍ରିୟା ମିଳିପାରି ନାହିଁ ।

କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ