କେନ୍ଦ୍ରାପଡା: ଶନିବାର କେନ୍ଦ୍ରାପଡ଼ା ସହର ପାଳିଲା ପଞ୍ଚୁଦୋଳ ଓ ରଙ୍ଗର ପର୍ବ ହୋଲି । କେନ୍ଦ୍ରାପଡ଼ା ସହର ରଙ୍ଗଖେଳରେ ମସଗୁଲ ଥିବାବେଳେ ଆଇନ ଶୃଙ୍ଖଳା ପରିସ୍ଥିତି ଦାୟିତ୍ବରେ ଥିବା ଟାଉନ ଥାନା ଅଧିକାରୀ ଜ୍ୟୋତିରଞ୍ଜନ ସାମନ୍ତରାୟ ମଧ୍ୟ ରଙ୍ଗର ପର୍ବରେ ସାମିଲ ହୋଇଥିଲେ।
ଦୃଷ୍ଟିଶକ୍ତି ବାଧିତ ପିଲାଙ୍କ ସହିତ ହୋଲି ଖେଳିଲେ ପୋଲିସ ଅଧିକାରୀ
ଏଥିସହ ନିଜର ବ୍ୟସ୍ତବହୁଳ ସମୟରୁ କିଛି ସମୟ ବାହାର କରି ଅଧିକାରୀ ଜଣଙ୍କ ପହଞ୍ଚିଥିଲେ ପୌର ପରିଷଦ ଅଧୀନରେ ଥିବା ଦୃଷ୍ଟିଶକ୍ତି ବାଧିତ ଆବାସିକ ବିଦ୍ୟାଳୟରେ। ବିଦ୍ୟାଳୟରେ ଦୃଷ୍ଟିଶକ୍ତି ବାଧିତ ଛାତ୍ରଛାତ୍ରୀ ମାନଙ୍କୁ କୋରୋନା ଭାଇରସ ସମ୍ବନ୍ଧରେ ସଚେତନ କରାଇ ସବୁବେଳେ ମାସ୍କ ପିନ୍ଧିବା ଉପରେ ଅନ୍ତେବାସୀ ମାନଙ୍କୁ କହିଥିଲେ ।
ଏଥିସହ ବିଦ୍ୟାଳୟରେ ଚକୋଲେଟ, ବିସ୍କୁଟ, ମିଠା ବାଣ୍ଟି ଓ ସେମାନଙ୍କ ସହିତ ସମୟ ବିତାଇ ନିଜକୁ ବହୁତ ଖୁସି ଲାଗୁଥିବା କହିଥିଲେ । ଏହାସହ ଆସନ୍ତ ବର୍ଷ ସମସ୍ତଙ୍କ ସହିତ ସେ ନିଶ୍ଚୟ ରଙ୍ଗ ଖେଳିବେ ବୋଲି ପ୍ରତିଶ୍ରୁତି ଦେଇଛନ୍ତି ।