କେନ୍ଦ୍ରାପଡା:ଆଉ ଦିନକ ପରେ କେନ୍ଦ୍ରାପଡାର ପ୍ରସିଦ୍ଧ ଲକ୍ଷ୍ମୀପୂଜା । କିନ୍ତୁ ପୂଜା ସମୟରେ ଦୁଇଦିନ ପାଇଁ ରାତ୍ରକାଳୀନ କର୍ଫ୍ୟୁ କୋହଳ ନହେଲେ ପୂଜାନୀତି କରିବେ ନାହିଁ ବ୍ରାହ୍ମଣ ସମୂହ । କେନ୍ଦ୍ରାପଡାରେ ଏଭଳି ଚରମ ବାଣୀ ଶୁଣାଇ ଉପଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରିଛନ୍ତି ବୈଦିକ ବ୍ରାହ୍ମଣ ସମୂହ।
କେନ୍ଦ୍ରାପଡା ଲକ୍ଷ୍ମୀପୂଜା: ରାତ୍ରିକାଳୀନ କର୍ଫ୍ୟୁ କୋହଳ ନହେଲେ ପୂଜାବନ୍ଦ ଚେତାବନୀ ଦେଲେ ବ୍ରାହ୍ମଣ ସମୂହ
ସାରା ରାଜ୍ୟରେ ରାତ୍ରୀ ୧୦ ଘଟିକାରୁ ସକାଳ ୫ଘଟିକା ପର୍ଯ୍ୟନ୍ତ ରାତ୍ରୀକାଳୀନ କର୍ଫ୍ୟୁ ଜାରି ରହିଥିବାବେଳେ କେନ୍ଦ୍ରାପଡ଼ା ଜିଲ୍ଲାର ଗଣପର୍ବ ଲକ୍ଷ୍ମୀପୂଜା ଅବସରରେ ଏହି ନିୟମକୁ କଡାକଡି ପାଳନ କରିବା ପାଇଁ ଓ ନିୟମ ଖିଲାପକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ପ୍ରଶାସନ ପକ୍ଷରୁ ଡ଼ାକବାଜି ଯନ୍ତ୍ର ମାଧ୍ୟମରେ ପ୍ରଚାର କରାଯାଇଛି । ଆସନ୍ତାକାଲି ମା'ଲକ୍ଷ୍ମୀଙ୍କର ପୂଜୋତ୍ସଵ ରହିଛି । ସନ୍ଧ୍ୟା ୭ଘଟିକା ପରେ ପୂର୍ଣ୍ଣମୀ ସମୟ ଆସୁଥିବାରୁ ଘଟ ସ୍ଥାପନ କରାଯାଇ ରାତ୍ର ୧୦ଘଟିକା ମଧ୍ୟରେ ପୂଜାନୀତି ସମ୍ପନ୍ନ କରିବା ସମ୍ଭବପର ନୁହେଁ ବୋଲି କହିଛନ୍ତି ପୂଜକ ସମୂହ ।