କେନ୍ଦ୍ରାପଡ଼ା: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ କେନ୍ଦ୍ରାପଡ଼ା ଜିଲ୍ଲା ପ୍ରଶାସନ ପକ୍ଷରୁ ଜାରି ହୋଇଛି ନିର୍ବାଚନ ବିଜ୍ଞପ୍ତି। ଜିଲ୍ଲାର ୯ଟି ବ୍ଲକରେ ମୋଟ ୧୧ଲକ୍ଷ ୪୭ହଜାର ୩୩୦ଜଣ ଭୋଟର ଚଳିତ ପଞ୍ଚାୟତ ନିର୍ବାଚନରେ ମତଦାନ କରିବେ ବୋଲି କହିଛନ୍ତି ଅତିରିକ୍ତ ଜିଲ୍ଲାପାଳ।
ପଞ୍ଚାୟତ ନିର୍ବାଚନ: ବିଜ୍ଞପ୍ତି ଜାରି କଲା କେନ୍ଦ୍ରାପଡ଼ା ଜିଲ୍ଲା ପ୍ରଶାସନ
ଏଥିସହ ଜିଲ୍ଲାରେ ୩୨ଟି ଜିଲ୍ଲା ପରିଷଦ, ୨୪୯ଟି ପଞ୍ଚାୟତ ସହ ୩୬୯୮ଟି ୱାର୍ଡରେ ନିର୍ବାଚନ କରାଯିବା ପାଇଁ ବିଜ୍ଞପ୍ତି ପ୍ରକାଶ ପାଇଛି। ଆସନ୍ତା ୧୭ ତାରିଖରୁ ୨୧ ତାରିଖ ମଧ୍ୟରେ ପ୍ରାର୍ଥୀମାନେ ସେମାନଙ୍କ ପ୍ରାର୍ଥୀପତ୍ର ଦାଖଲ କରିବେ, ୨୨ତାରିଖ ଦିନ ପ୍ରାର୍ଥୀପତ୍ର ଯାଞ୍ଚ, ୨୩ତାରିଖ ଦିନ ପ୍ରାର୍ଥୀଙ୍କ ନାମ ପ୍ରକାଶିତ କରାଯିବା ସହ ୨୫ ତାରିଖ ଦିନ ପ୍ରାର୍ଥି ସେମାନଙ୍କ ପ୍ରାର୍ଥୀପତ୍ର ପ୍ରତ୍ୟାହାର କରିବେ । ସେହିଦିନ ହିଁ ଚୂଡାନ୍ତ ପ୍ରାର୍ଥୀ ତାଲିକା ଜିଲ୍ଲା ପ୍ରଶାସନ ପକ୍ଷରୁ ଘୋଷଣା କରାଯିବ ବୋଲି ସୂଚନା ଦିଆଯାଇଛି ।