କେନ୍ଦ୍ରାପଡ଼ା: ଜିଲ୍ଲାରେ କାୟା ବିସ୍ତାର କରିବାରେ ଲାଗିଛି ମହାମାରୀ । ସଂକ୍ରମଣର ଦ୍ଵିତୀୟ ଲହରରେ ଜିଲ୍ଲାରେ ଚଳିତବର୍ଷର ସର୍ବାଧିକ ସଂକ୍ରମିତ ଚିହ୍ନଟ ହୋଇଛନ୍ତି । ଗତ 24 ଘଣ୍ଟାରେ ଜିଲ୍ଲାରେ 243 ଜଣ ଆକ୍ରାନ୍ତ ଚିହ୍ନଟ ହେବା ପରେ ଜିଲ୍ଲା ପ୍ରଶାସନର ଚିନ୍ତା ବଢିଯାଇଥିବା ଦେଖିବାକୁ ମିଳିଛି ।
ଜିଲ୍ଲାରେ ବଢୁଛି ସଂକ୍ରମଣ, ଚିନ୍ତାରେ ପ୍ରଶାସନ
ଦ୍ବିତୀୟ ଲହରରେ ଗୋଷ୍ଠୀ ସଂକ୍ରମଣ ବଢୁଥିବାରୁ ଚିନ୍ତାରେ ରହିଛି ପ୍ରଶାସନ । ଏପର୍ଯ୍ୟନ୍ତ ଆକ୍ଟିଭ ସଂକ୍ରମିତ ସଂଖ୍ୟା 1104ରେ ପହଞ୍ଚିଥିବା ବେଳେ ତନ୍ମଧ୍ୟରୁ କେନ୍ଦ୍ରାପଡ଼ା, ଡେରାବିଶ ଓ ରାଜନଗର ବ୍ଲକର 50% ଅର୍ଥାତ 500ରୁ ଊର୍ଦ୍ଧ୍ବ ସଂକ୍ରମିତ ଚିହ୍ନଟ ହୋଇଛନ୍ତି। ମହାକାଳପଡ଼ା ବ୍ଲକ ଜାଲକଣା ଓ କେନ୍ଦ୍ରାପଡ଼ା ବ୍ଲକ ବଗଡ଼ା ପଞ୍ଚାୟତରେ ଦୁଇଟି କଣ୍ଟେନମେଣ୍ଟ ଜୋନ କରାଯାଇଛି। ଏହି ଦୁଇଟି ସ୍ଥାନରେ ଲକ୍ଷଣଯୁକ୍ତ ଲୋକମାନଙ୍କୁ ଚିହ୍ନଟ କରାଯାଇ ଟେଷ୍ଟ କରାଯାଇଥିବାରୁ ଦ୍ରୁତ ସଂକ୍ରମଣ ରୋକାଯାଇପାରିଛି ବୋଲି ସୂଚନା ମିଳିଛି ।