କେନ୍ଦ୍ରାପଡା: ବାତ୍ୟା ଅମ୍ଫାନକୁ ନେଇ ପ୍ରଶାସନିକ ପ୍ରସ୍ତୁତି ଶେଷ ପର୍ଯ୍ୟାୟରେ । ମଙ୍ଗଳବାର ସନ୍ଧ୍ୟା ସୁଦ୍ଧା ଜିଲ୍ଲାର ମୋଟ 11 ହଜାର 500 ଲୋକଙ୍କୁ ନିରାପଦ ସ୍ଥାନକୁ ସ୍ଥାନାନ୍ତରିତ କରାଯାଇଛି । ସେଥିମଧ୍ୟରୁ ମହାକାଳପଡା ଓ ରାଜନଗର ବ୍ଲକର ମୋଟ 8000 ଲୋକ ସାମିଲ ଅଛନ୍ତି ।
ବାତ୍ୟାକୁ ଦୃଷ୍ଟିରେ ରଖି ପ୍ରଶାସନ ସମସ୍ତ ପ୍ରକାର ପ୍ରସ୍ତୁତି କରିଛି । ସହର ଓ ଜିଲ୍ଲାର କଚ୍ଚା ଘରେ ରହୁଥିବା ଅନ୍ୟ ଲୋକମାନଙ୍କୁ ନିରାପଦ ସ୍ଥାନକୁ ନିଆଯାଇଛି । ମଧ୍ୟାହ୍ନରେ କିଛି ଆଶ୍ରୟସ୍ଥଳୀରେ ରନ୍ଧାଖାଦ୍ୟ ଦିଆଯାଇଥିବାବେଳେ ମଙ୍ଗଳବାର ରାତିରେ ସମସ୍ତଙ୍କ ପାଇଁ ରନ୍ଧାଖାଦ୍ୟ ବ୍ୟବସ୍ଥା କରାଯାଇଥିବା ଜିଲ୍ଲାପାଳ ସୂଚନା ଦେଇଛନ୍ତି । ବରିଷ୍ଠ ଆଇଏଏସ ଅଧିକାରୀ ତଥା ଶିଳ୍ପ ସଚିବ ମହାକାଳପଡା ବ୍ଲକର ବିଭିନ୍ନ ବାତ୍ୟା ଆଶ୍ରୟସ୍ଥଳୀ ବୁଲିଥିଲେ ।
ଅମ୍ଫାନ ମୁକାବିଲା ପାଇଁ ପ୍ରସ୍ତୁତ ପ୍ରଶାସନ, 11500 ଲୋକ ସ୍ଥାନାନ୍ତର