କେନ୍ଦ୍ରାପଡ଼ା: ସମ୍ଭାବ୍ୟ ବାତ୍ୟା ଜୱାଦ(Cyclone Jawad)କୁ ନେଇ ପ୍ରସ୍ତୁତ କେନ୍ଦ୍ରାପଡ଼ା ଜିଲ୍ଲା ପ୍ରଶାସନ (Kendrapara administration)। ୯ଟି ବ୍ଲକରେ ଥିବା ବାତ୍ୟା ଆଶ୍ରୟସ୍ଥଳୀ (Cyclone shelter)ଗୁଡିକରେ ୧୬୫ଟି ଆସ୍କାଲାଇଟ ମହଜୁଦ ରଖାଯାଇଥିବା ବେଳେ ଅଧିକ ବର୍ଷା ଓ ପରବର୍ତ୍ତୀ ସ୍ଥିତିରେ ଉଦ୍ଧାର କାର୍ଯ୍ୟ ପାଇଁ ଅଗ୍ନିଶମ ବିଭାଗ (Fire Department )କୁ ନିର୍ଦ୍ଦେଶ ଦିଆଯାଇଛି । ମଝି ସମୁଦ୍ରକୁ ଯାଇଥିବା ୩୪୦୬ଟି ଡଙ୍ଗା ସମେତ ମତ୍ସ୍ୟଜୀବୀଙ୍କୁ ଏଯାବତ ନିରାପଦ ଭାବେ ଫେରାଇ ଅଣାଯାଇଛି । ଏଥିସହ ଲୋକମାନଙ୍କୁ ସ୍ଥାନାନ୍ତରିତ କରାଯିବ ବୋଲି କହିଛନ୍ତି କେନ୍ଦ୍ରାପଡ଼ା ଅତିରିକ୍ତ ଜିଲ୍ଲାପାଳ।
Cyclone Jawad: କେନ୍ଦ୍ରାପଡାରେ NDRF, ଜୱାଦ ମୁକାବିଲା ପାଇଁ ପ୍ରସ୍ତୁତ କହିଲା ପ୍ରଶାସନ ଜିଲ୍ଲାରେ ଏବେ ଗୋଟିଏ ଲେଖାଏଁ NDRF ଓ ODRAF ଟିମ ପହଞ୍ଚିଥିବା ବେଳେ ଜିଲ୍ଲାର ସମସ୍ତ ଅଗ୍ନିଶମ କର୍ମଚାରୀ ଓ ଯନ୍ତ୍ର ସାମଗ୍ରୀ ସମେତ ଜିଲ୍ଲା ବାହାରୁ ୪ଟି ଅଗ୍ନିଶମ ଟିମ ଆସି କେନ୍ଦ୍ରାପଡ଼ା ଜିଲ୍ଲାରେ ପହଞ୍ଚିଥିବା ସୂଚନା ମିଳିଛି । NDRF ଟିମରେ ୨୦ଜଣ ସଦସ୍ୟ ରହିଥିବା ବେଳେ ODRAF ଟିମରେ ୪୦ଜଣ ସଦସ୍ୟ ରହିଛନ୍ତି । ଆବଶ୍ୟକ ହେଲେ ଜିଲ୍ଲା ପ୍ରଶାସନ ପକ୍ଷରୁ ଅଧିକ NDRF ଓ ODRAF ଟିମକୁ କେନ୍ଦ୍ରାପଡ଼ା ଜିଲ୍ଲାକୁ ଅଣାଯିବ ବୋଲି କହିଛନ୍ତି NDRF ଇନ୍ସପେକ୍ଟର । ସେହିପରି ଜିଲ୍ଲାର ତଟବର୍ତ୍ତି ଅଞ୍ଚଳ ଗୁଡିକରେ ୧୧୭ଟି ବାତ୍ୟା ଆଶ୍ରୟସ୍ଥଳୀ କରାଯାଇଥିବା ବେଳେ ୯୦୦ରୁ ଊର୍ଦ୍ଧ୍ବ ବିଦ୍ୟାଳୟକୁ ସାମୟିକ ବାତ୍ୟା ଆଶ୍ରୟସ୍ଥଳୀ ରୂପେ ବ୍ୟବହାର କରାଯିବା ସହ ସମସ୍ତ ଲାଇନ ଡିପାର୍ଟମେଣ୍ଟ ଗୁଡିକୁ ଆଲର୍ଟ କରାଯାଇଥିବା କହିଛନ୍ତି ଅତିରିକ୍ତ ଜିଲ୍ଲାପାଳ ।
Cyclone Jawad: କେନ୍ଦ୍ରାପଡାରେ NDRF, ଜୱାଦ ମୁକାବିଲା ପାଇଁ ପ୍ରସ୍ତୁତ କହିଲା ପ୍ରଶାସନ କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
