ମାଟ୍ରିକ ରେଜଲ୍ଟ: କେନ୍ଦ୍ରାପଡ଼ା ଜିଲ୍ଲା ଟପ୍ପର ମୋନାଶ୍ରୀ, ପ୍ରଶାସନିକ ସେବାରେ ଯୋଗଦେବାକୁ ଲକ୍ଷ୍ୟ

ଆଜି ଓଡିଶା ମାଧ୍ୟମିକ ଶିକ୍ଷା ପରିଶଦ ଦ୍ବାରା ପରିଚାଳିତ ଦଶମ ଶ୍ରେଣୀ ପରୀକ୍ଷା ଫଳ ପ୍ରକାଶ ପାଇଛି। କେନ୍ଦ୍ରାପଡ଼ା ଜିଲ୍ଲା ଟପ୍ପର ହୋଇଛନ୍ତି ଡେରାବିଶ୍ ବ୍ଲକ ଡେରାବିଶ୍ ସରକାରୀ ଉଚ୍ଚ ବିଦ୍ୟାଳୟର ଛାତ୍ରୀ ମୋନାଶ୍ରୀ ବିଶ୍ବାଳ। ଅଧିକ ପଢନ୍ତୁ

କେନ୍ଦ୍ରାପଡ଼ା: ଜିଲ୍ଲାର ମ୍ୟାଟ୍ରିକ ପରୀକ୍ଷା ଟପ୍ପର ହୋଇଛନ୍ତି ଡେରାବିଶ୍ ବ୍ଲକ ଡେରାବିଶ୍ ସରକାରୀ ଉଚ୍ଚ ବିଦ୍ୟାଳୟର ଛାତ୍ରୀ ମୋନାଶ୍ରୀ ବିଶ୍ବାଳ। ମୋନାଶ୍ରୀ ଦିନକୁ ୧୭-୧୮ ଘଣ୍ଟା ପରିଶ୍ରମ କରିଥିବା କହିଥିବା ବେଳେ ଶିକ୍ଷକ ଶିକ୍ଷୟିତ୍ରୀ ଓ ପିତାମାତାଙ୍କ ଆଶୀର୍ବାଦରୁ ସେ ଜିଲ୍ଲା ଟପ୍ପର ହୋଇପାରିଛନ୍ତି ବୋଲି କହିଛନ୍ତି । ମୋନାଶ୍ରୀ ୬୦୦ ନମ୍ବରରୁ ମୋଟ ୫୮୫ ନମ୍ବର ୯୭.୫୭% ପ୍ରତିଶତ ନମ୍ବର ରଖିଛନ୍ତି ।

ମୋନାଶ୍ରୀଙ୍କ ବାପା ବିଚିତ୍ରାନନ୍ଦ ବିଶ୍ବାଳ ଜଣେ କୃଷକ ହୋଇଥିବା ବେଳେ ଖୁସିରେ ଗଦଗଦ ହୋଇପଡିଥନ୍ତି । ଜିଲ୍ଲା ଟପ୍ପର ହୋଇଥିବା ଖବର ପ୍ରଚାରିତ ହେବା ପରେ ମୋନାଶ୍ରୀଙ୍କୁ ବିଭିନ୍ନ ମହଲରୁ ଶୁଭେଚ୍ଛା ଦିଆଯାଇଛି । ମୋନାଶ୍ରୀଙ୍କ ଏଭଳି ସଫଳତାରେ ବିଦ୍ୟାଳୟର ଶିକ୍ଷକ-ଶିକ୍ଷୟିତ୍ରୀ ମହଲ ଏବଂ ବିଦ୍ୟାଳୟ ପରିସରରେ ଆନନ୍ଦର ବାତାବରଣ । ମୋନାଶ୍ରୀ ଭବିଷ୍ୟତରେ ଭାରତୀୟ ପ୍ରଶାସନିକ ସେବାରେ ଯୋଗ ଦେବା ପାଇଁ ଲକ୍ଷ୍ୟ ରଖିଛନ୍ତି ।

ଇଟିଭି ଭାରତ, କେନ୍ଦ୍ରାପଡା