କେନ୍ଦ୍ରାପଡା: ଦୁର୍ନୀତିଗ୍ରସ୍ତ ସରକାରୀ ବାବୁମାନଙ୍କ ନିଦ ହଜିଯାଇଛି । କାରଣ ହେଉଛି ସୋସିଆଲ ମିଡିଆରେ ଭାଇରାଲ କେନ୍ଦ୍ରାପଡା ଜିଲ୍ଲାପାଳଙ୍କ ଦୁର୍ନୀତି ନିବାରଣ ୱାଟସଆପ ନମ୍ବର ।
'କଲେକ୍ଟରେଟ୍ କେନ୍ଦ୍ରାପଡା' ନାମରେ ପ୍ରଶାସନ ଦ୍ବାରା ଚାଲୁଥିବା ଫେସବୁକ ଆଇଡିରେ ଜିଲ୍ଲାପାଳଙ୍କ ନମ୍ବର 9438883093 ପୋଷ୍ଟ କରାଯାଇଥିଲା । ଯଦି କେହି ସରକାରୀ ବାବୁ ଦୁର୍ନୀତି କରୁଥିବାର ଘଟଣା ସାମନାକୁ ଆସେ, ତାହେଲେ ଉପରୋକ୍ତ ନମ୍ବରରେ ତାଙ୍କ ବିରୋଧରେ ପ୍ରମାଣ ସହ ପଠାଇଲେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ । ଏଥିସହିତ ଉପରିସ୍ଥ ଅଧିକାରୀଙ୍କୁ ଦୁର୍ନୀତିଗ୍ରସ୍ତ ବାବୁମାନଙ୍କୁ ଦଣ୍ଡ ଦେବାରେ ସାହାଯ୍ୟ ମିଳିବ ବୋଲି ଉକ୍ତ ପୋଷ୍ଟରେ ଉଲ୍ଲେଖ ରହିଛି ।
ଭିଡିଓ ସୌଜନ୍ୟ : ସମ୍ବାଦଦାତା, କେନ୍ଦ୍ରାପଡା