କେନ୍ଦ୍ରାପଡା:ମହିଳାଙ୍କୁ ହତ୍ୟା ଓ ଶିଶୁପୁତ୍ରକୁ ହତ୍ୟା ଉଦ୍ୟମର ସୂତାଖିଅ ପାଉନାହିଁ ପୋଲିସ । ଗତ ୨୬ତାରିଖ ଦିନ ସକାଳୁ ଜମ୍ବୁ ମେରାଇନ ଥାନା କଣ୍ଡରାପାଟିଆ ଫୁଟାଜୋର ନିକଟରୁ ଜଣେ ଅପରିଚିତ ମହିଳାଙ୍କ ମୃତଦେହକୁ ଉଦ୍ଧାର କରାଯାଇଥିବାବେଳେ ପାଖରେ ଜଣେ ଶିଶୁପୁତ୍ରକୁ ପଥରରେ ଛେଚା ଯାଇଥିବାବେଳେ ମୁର୍ମୁଷ ଅବସ୍ଥାରେ ତାକୁ କଟକ ବଡ଼ ଡ଼ାକ୍ତରଖାନାର ଟ୍ରମା କେୟାର ସେଣ୍ଟରରେ ଚିକିତ୍ସା କରାଯାଉଛି ।
ଜମ୍ବୁ ହତ୍ୟାକାଣ୍ଡ ଘଟଣା: ମହିଳାଙ୍କ ପରିଚୟ ଦେଲେ ପୁରସ୍କୃତ ହେବେ ସୂଚନାଦାତା
ତେବେ ଘଟଣାକୁ ଚାରିଦିନ ବିତିଥିବାବେଳେ ହତ୍ୟାର ଶିକାର ମହିଳା ଓ ଶିଶୁପୁତ୍ରର ପରିଚୟ ପାଇନାହିଁ ପୋଲିସ । ଅଧିକନ୍ତୁ ଜମ୍ବୁ ରାସ୍ତାର ବିଭିନ୍ନ ଛକ ସ୍ଥାନମାନଙ୍କରେ ଲାଗିଥିବା ସିସିଟିଭିରୁ ପୋଲିସ ଫୁଟେଜ ସଂଗ୍ରହ କରି ଅଭିଯୁକ୍ତଙ୍କୁ ଖୋଜୁଥିବା ବେଳେ ଅପରାଧୀ ମାନେ ସମ୍ୟକ ସୁରାକ ମଧ୍ୟ ଛାଡି ଯାଇନାହାନ୍ତି ।