କେନ୍ଦ୍ରାପଡା: ରାଜ୍ୟରେ ଜାରି ରହିଛି ଲକଡାଉନ । ତଥାପି ଆଗପଟେ ତାଲା ଆଉ ପଛପାଖ ଖୋଲା। ଏମିତି ଦୃଶ୍ୟ ଆଜି ଦେଖିବାକୁ ମିଳିଥିଲା ପଟ୍ଟାମୁଣ୍ଡାଇ ବଜାରରେ। ପଟ୍ଟାମୁଣ୍ଡାଇ ବଜାରରେ ଥିବା ସାହୁ ହୋଟେଲ ଆଗପଟ ବନ୍ଦ ରଖି ଦୋକାନର ପଛପାଖରେ ବ୍ୟବସାୟ କରୁଥିବା ଜଣାପଡିବା ପରେ କାର୍ଯ୍ୟାନୁଷ୍ଠାନ ଗ୍ରହଣ କିରିଛି ବ୍ଲକ ପ୍ରଶାସନ ।
ମିଳିଥିବା ସୂଚନା ଅନୁସାରେ ଉକ୍ତ ହୋଟେଲ କୋଭିଡ ଗାଇଡଲାଇନ ଉଲଙ୍ଘନ କରି ଖୋଲା ରହୁଥିବା ନେଇ ପଟ୍ଟାମୁଣ୍ଡାଇ ତହସିଲଦାରଙ୍କୁ କୌଣସି ପ୍ରକାରରେ ଖବର ମିଳିଥିଲା। ତହସିଲଦାର ସଙ୍ଗେସଙ୍ଗେ ହୋଟେଲ ନିକଟରେ ପହଞ୍ଚି ଦୋକାନକୁ 7 ଦିନ ପର୍ଯ୍ୟନ୍ତ ସିଲ କରିବା ସହ ୧୦ ହଜାର ଟଙ୍କା ଜୋରିମାନା ଅର୍ଥ ଆଦାୟ କରିଛନ୍ତି । ଏଠାରେ ସୂଚନାଯୋଗ୍ୟ ଏହି ଦୋକାନୀ ଜଣଙ୍କ ପୁର୍ବରୁ କୋଭିଡ ନିୟମ ଉଲ୍ଲଂଘନ କରି ୩ ହଜାର ଟଙ୍କା ଜୋରିମାନା ଦେଇଥିବା କହିଛନ୍ତି ତହସିଲଦାର।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
