କେନ୍ଦ୍ରାପଡ଼ା: ମଝି ସମୁଦ୍ରକୁ ମାଛ ଧରିବାକୁ ଯାଇଥିବା ବେଳେ ବୁଡ଼ିଗଲା ଟ୍ରଲର । ୧୨ ଜଣଙ୍କୁ ଉଦ୍ଧାର କରାଯାଇଥିବା ବେଳେ ଜଣେ ଏବେବି ନିଖୋଜ ରହିଛି । କେନ୍ଦ୍ରାପଡ଼ା ଜିଲ୍ଲାରେ ଏଭଳି ଏକ ଘଟଣା ଦେଖିବାକୁ ମିଳିଛି । ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଉଛି ଟ୍ରଲର ବୁଡ଼ିଯିବା ପରେ ଏକ ପ୍ଲାଷ୍ଟିକ୍ ଜାର୍ ସାହାଯ୍ୟରେ ୧୨ ଜଣ ମତ୍ସ୍ୟଜୀବୀ ୧୯ ଘଣ୍ଟାକାଳ ଭାସିବା ପରେ ସେମାନଙ୍କୁ ଉଦ୍ଧାର କରାଯାଇଛି ।
ଜୀବନ ବଞ୍ଚାଇଲା ପ୍ଲାଷ୍ଟିକ ଜାର, ୧୯ ଘଣ୍ଟା ଭାଷିବା ପରେ ମତ୍ସ୍ୟଜୀବୀ ଉଦ୍ଧାର
ଗତ ଜୁନ୍ ୧୩ ତାରିଖରେ ସ୍ଥାନୀୟ ପଟ୍ଟାପାରିଆ ଗାଁର ୧୩ ଜଣ ମତ୍ସ୍ୟଜୀବୀ ମାଛ ଧରିବାକୁ ତାଳଚୁଆ ଘାଟରୁ ସମୁଦ୍ର ମଝିକୁ ଯାଇଥିଲେ । ପ୍ରତିକୂଳ ପାଗ ଯୋଗୁଁ ଗତକାଲି(ଗୁରୁବାର) ଅପରାହ୍ଣ ୨ଟା ବେଳେ ଟ୍ରଲରଟି ଓଲଟି ପଡ଼ିଥିଲା । ଫଳରେ ଜଣେ ମତ୍ସ୍ୟଜୀବୀ ନିଖୋଜ ହୋଇଯାଇଥିବା ବେଳେ ୧୨ ଜଣ ମତ୍ସ୍ୟଜୀବୀ ଟ୍ରଲରରେ ଥିବା ଏକ ପ୍ଲାଷ୍ଟିକ୍ ଜାର୍କୁ ଧରି ସମୁଦ୍ରରେ ଭାସିଥିଲେ ।