ସଟସର୍କିଟ ହେଲା କାଳ: ଜଳିଗଲା ଘର, 4 ପରିବାର ସର୍ବସ୍ବାନ୍ତ

ମହାକାଳପଡା ବ୍ଲକ ରାଜଗଡ଼ ପଞ୍ଚାୟତ ଗୟାସପୁର ଗ୍ରାମରେ ବିଳମ୍ବିତ ରାତିରେ ଅଗ୍ନିକାଣ୍ଡ। ଅଗ୍ନିକାଣ୍ଡରେ 4ଟି ପରିବାର ୯ ବଖରା ନଡାଛପର ଘର ସମ୍ପୃର୍ଣ୍ଣ ପୋଡିଯାଇଛି । ଅଧିକ ପଢନ୍ତୁ...

କେନ୍ଦ୍ରାପଡା: ମହାକାଳପଡା ବ୍ଲକ ରାଜଗଡ଼ ପଞ୍ଚାୟତ ଗୟାସପୁର ଗ୍ରାମରେ ବିଳମ୍ବିତ ରାତିରେ ଅଗ୍ନିକାଣ୍ଡ। ଅଗ୍ନିକାଣ୍ଡରେ 4ଟି ପରିବାର ୯ ବଖରା ନଡାଛପର ଘର ସମ୍ପୂର୍ଣ୍ଣ ପୋଡିଯାଇଛି । ଏହାସହ ଗୋଟିଏ ଗାଈ ଓ ଗୋଟିଏ ବାଛୁରୀ ଜୀବନ୍ତ ଦଗ୍ଧ ହୋଇଥିବା ଜଣାପଡିଛି। ବିଳମ୍ବିତ ରାତିରେ ବିଦ୍ୟୁତ ଖୁଣ୍ଟରୁ ଘରକୁ ଆସିଥିବା ସର୍ଭିସ ତାରରେ ସଟ୍ସର୍କିଟ ଯୋଗୁଁ ଏହି ଅଗ୍ନିକାଣ୍ଡ ଘଟିଛି ବୋଲି ଅଗ୍ନି ବିପନ୍ନ ପରିବାର ସଦସ୍ୟ କହିଛନ୍ତି।

ଅଗ୍ନିକାଣ୍ଡରେ ବର୍ଷକ ପାଇଁ ଗଚ୍ଛିତ ରଖିଥିବା ଖାଦ୍ୟଶସ୍ୟ ଓ ଆସବାବପତ୍ର ପୋଡି ପାଉଁଶ ହୋଇଯାଇଛି । ଜମିବାଡି କାଗଜ ପତ୍ର ସହିତ ବ୍ୟାଙ୍କ ଜମାଖାତା, ଆଧାର କାର୍ଡ ଓ ଫଟୋ ପରିଚୟ ପତ୍ର ସମ୍ପୂର୍ଣ୍ଣ ପୋଡି ପାଉଁଶ ହୋଇଯାଇଛି । କେନ୍ଦ୍ରାପଡା, ମାର୍ଶାଘାଈ ଏବଂ ମହାକାଳପଡାରୁ ଗୋଟିଏ ଲେଖାଏଁ ଦମକଳ ଗାଡି ପହଞ୍ଚି ନିଆଁକୁ ଆୟତ୍ତ କରିଛନ୍ତି।

କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ