କେନ୍ଦ୍ରାପଡା: ବିଳମ୍ବିତ ରାତିରେ ଭୟାବହ ଅଗ୍ନୀକାଣ୍ଡ । ଜଳି ପୋଡ଼ି ପାଉଁଶ ହୋଇଗଲା ୨୦ ବଖରାରୁ ଉର୍ଦ୍ଧ୍ବ ଘର । ବିଭିନ୍ନ ଆସବାବ ପତ୍ର ସହ ଲକ୍ଷାଧିକ ଟଙ୍କାର ସମ୍ପତି ନଷ୍ଟ । ଅଗ୍ନୀକାଣ୍ଡରେ 2 ପରିବାର ସର୍ବହରା ।
ଘଡିଆମାଲ ଗ୍ରାମରେ ଭୟାବହ ଅଗ୍ମୀକାଣ୍ଡ
କେନ୍ଦ୍ରାପଡା ଜିଲ୍ଲା ରାଜନଗର ବ୍ଲକ ଅନ୍ତର୍ଗତ ଘଡିଆମାଳ ଗାଁରେ ବିଳମ୍ବିତ ରାତିରେ ଭୟାବହ ଅଗ୍ନିକାଣ୍ଡ । ରାତିରେ ନିଆଁ ଲାଗି ପାଉଁଶ ହୋଇଗଲା ୨୦ ବଖରାରୁ ଉର୍ଦ୍ଧ୍ବ ଘର । ନିଆଁ ଲାଗିବାର ବର୍ତ୍ତମାନ ପର୍ଯ୍ୟନ୍ତ କାରଣ ଅସ୍ପଷ୍ଟ । ଗ୍ରାମର ପର୍ଶୁରାମ ରାଉତଙ୍କ ଦୁଇ ପୁଅ ସହ ଆଠ ଜଣ ସଦସ୍ୟ ବିଶିଷ୍ଟ ପରିବାର ଏବେ ସମ୍ପୂର୍ଣ୍ଣ ସର୍ବହରା । ବର୍ତ୍ତମାନ ସେମାନଙ୍କ ପାଖର ପିନ୍ଧିଥିବା ଡ୍ରେସ ବ୍ୟତୀତ ଅନ୍ୟ କିଛି ନାହିଁ ସମସ୍ତ ଜିନିଷ ପୋଡି ପାଉଁଶ ହୋଇଯାଇଛି । ଘରେ ଥିବା ଟିଭି,ୱାସିଙ୍ଗ ମେସିନ, ଶାଢୀ ,ସୁନା ଅଳଙ୍କାର, ଖଟ, ବହୁ ମୂଲ୍ୟବାନ ଜିନିଷ ପତ୍ର ପୋଡି ନଷ୍ଟ ହୋଇଯାଇଛି । ଏହା ବ୍ୟତୀତ ଜମି ଜମା କାଗଜ ପତ୍ର, ଧାନ,ଚାଉଳ ଡ୍ରେସ ପଟା ବିଭିନ୍ନ ଆସବାବ ପତ୍ର ପୋଡି ପାଉଁଶ ହୋଇଯାଇଛି ।