କେନ୍ଦ୍ରାପଡା: ସାରା ରାଜ୍ୟରେ ଠିକ ସମୟରେ ଠିକ ବର୍ଷା ନହେବା କାରଣରୁ ଏବେ ସଂକଟରେ ଚାଷୀ । କେଉଁଠି ଖାଲି ପାଣି ଆଉ ପାଣି ତ କେଉଁଠି ଶୁଖିଲା ମରୁଡି । ଧରା ଶ୍ରାବଣ ଶେଷ ହେବାକୁ ବସିଲାଣି ହେଲେ ଚାଷ ଯେତିକି ହେବାକଥା ହୋଇନାହିଁ । ବର୍ଷା ଅଭାବରୁ ଏବେ ତାହାର ସିଧାସଳଖ ପ୍ରଭାବ ଚାଷ ଉପରେ ପଡିଛି ଓ ଚାଷୀ ମୁଣ୍ଡରେ ହାତଦେଇ ବସିଛି । ଏଭଳି ପରିସ୍ଥିତିରେ ଚାଷୀ କରିବ କଣ ସେଇ ଚିନ୍ତାରେ ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦ୍ରାପଡା
ରାଜ୍ୟର କେନ୍ଦ୍ରାପଡା ଜିଲ୍ଲାରେ ଚାଷୀ ସ୍ଥିତି ଆହୁରି ସଂଗୀନ ହୋଇପଡିଛି । ଏବେ ବେହୁଡା ସାରି ତଳିରୁଆ ଯିବା କଥା । ହେଲେ ଆବଶ୍ୟକ ବର୍ଷା ଅଭାବରୁ ସବୁ ଠପ, ନା ହେଉଛି ବର୍ଷା ନା କେନାଲରେ ଆସୁଛି ପାଣି ନା ମିଳୁଛନ୍ତି ଆବଶ୍ୟକ ଶ୍ରମିକ ଫଳରେ ଦୁର୍ଦିନରେ ଚାଷୀକୂଳ । ତେବେ ଯେଉଁ ଶ୍ରମିକ ମିଳୁଛନ୍ତି ସେମାନେ ପାରିଶ୍ରମିକ ବୃ୍ଦ୍ଧିସହ ଖାଇବା ପିଇବା ଦାବି କରୁଛନ୍ତି ଯଦ୍ବାରା ସାମାନ୍ୟ ଚାଷୀଙ୍କ ପାଇଁ ଏହା ବୋଝ ଉପରେ ନଳିତା ବିଡା ସଦୃଶ ହୋଇଛି ।