କେନ୍ଦ୍ରାପଡା : ଅବକାରୀ କର୍ମଚାରୀ ପରିଚୟ ଦେବା ପଡିଲା ମହଙ୍ଗା । ମିଛରେ ପରିଚୟ ଦେଇ ଛେଚା ଖାଇଲେ ଅବକାରୀ ବିଭାଗର ବେସରକାରୀ ଡ୍ରାଇଭର। ଶେଷରେ ନିଜ ମୁହଁରେ ଦୋଷ ମଧ୍ୟ ସ୍ବୀକାର କରିଛନ୍ତି ।
ବଟି ମାଗି ନିର୍ଦ୍ଧୁମ ଛେଚା ଖାଇଲେ ନକଲି ଅବକାରୀ ବିଭାଗ କର୍ମଚାରୀ
ସୂଚନା ଅନୁସାରେ,କେନ୍ଦ୍ରାପଡା ଅବକାରୀ ବିଭାଗରେ ବେସରକାରୀ ଡ୍ରାଇଭର ଭାବେ କାର୍ଯ୍ୟ କରନ୍ତି ଭାଗ୍ୟଧର ମଲ୍ଲିକ । ଗତକାଲି ବିଳମ୍ବିତ ରାତିରେ ଜଣେ ସହଯୋଗୀଙ୍କ ସହ କେନ୍ଦ୍ରାପଡ଼ା ହରିଅଙ୍କ ଗାଁର ଦୋଳଗୋବିନ୍ଦ ମଲିକଙ୍କ ଘରେ ପହଞ୍ଚି ଥିଲେ ଭାଗ୍ୟଧର । ଆଉ ନିଜକୁ ଅବକାରୀ କର୍ମଚାରୀର ପରିଚୟ ମଧ୍ୟ ଦେଇଥିଲେ । ଚୋରା ମଦ କାରବାରରେ ଦୋଳଗୋବିନ୍ଦଙ୍କ ସମ୍ପୃକ୍ତି ନେଇ ଚାନ୍ଦା ମାଗିଥିଲେ । ଏପରିକି ଚାନ୍ଦା ନଦେଲେ ଗିରଫ ହେବାକୁ ମଧ୍ୟ ସେ ଦୋଳଗୋବିନ୍ଦଙ୍କୁ ଧମକ ଦେଇଥିଲେ ।