କେନ୍ଦ୍ରାପଡା: ଆସନ୍ତା ମାସରୁ ଆରମ୍ଭ ହେବ ନୂତନ ଶିକ୍ଷାବର୍ଷ । ଗତ ଦୁଇବର୍ଷ ଧରି କୋଭିଡ ମହାମାରୀ ପାଇଁ ପ୍ରାଥମିକ ଶିକ୍ଷା ବନ୍ଦ ହୋଇ ଥିବାବେଳେ ମାର୍ଚ୍ଚ ପ୍ରଥମ ସପ୍ତାହରୁ ଖୋଲିଛି ବିଦ୍ୟାଳୟ । ତେବେ କୋମଳମତି ଛାତ୍ରଛାତ୍ରୀଙ୍କୁ ବିଦ୍ୟାଳୟ ମୁହାଁ କରାଇବା ପାଇଁ ମହାକାଳପଡ଼ା ରାଜଗଡ଼ କ୍ଲଷ୍ଟରରେ ବୁଲିଛି ଶିକ୍ଷା ସଚେତନତା ରଥ ।
ଆରମ୍ଭ ହେବ ଶିକ୍ଷାବର୍ଷ, ପଥପ୍ରାନ୍ତ ନାଟକ ସହ ବୁଲିଲା ଶିକ୍ଷା ସଚେତନତା ରଥ
ନୂଆକରି ବିଦ୍ୟାଳୟକୁ ଆସୁଥିବା କୁନିକୁନି ଛାତ୍ରଛାତ୍ରୀଙ୍କୁ ଶିକ୍ଷୟିତ୍ରୀମାନେ ବନ୍ଦାପନା କରି ବିଦ୍ୟାଳୟ ଆସିବାକୁ ସଚେତନ କରାଉଛନ୍ତି ।ସରକାରୀ ପ୍ରାଥମିକ ଓ ଉଚ୍ଚ ପ୍ରାଥମିକ ବିଦ୍ୟାଳୟ, ରାଜଗଡର ଛାତ୍ରଛାତ୍ରୀ ସୁନ୍ଦର ଭାବରେ ସଜାଇ ହୋଇ ଗୀତର ତାଳେତାଳେ ପଥପ୍ରାନ୍ତ ନାଟକ କରି ସଚେତନ କରାଉଥିବାର ଦେଖିବାକୁ ମିଳିଛି ।