କେନ୍ଦ୍ରାପଡ଼ା : କେନ୍ଦ୍ରାପଡ଼ା ଜିଲ୍ଲାରେ ବଢିଚାଲିଛି ସରକାରୀ ଦୁର୍ନୀତି । ଗ୍ରାମାଞ୍ଚଳର ଲୋକମାନଙ୍କୁ ଆର୍ଥିକ ସକ୍ଷମ କରାଇବା ଉଦ୍ଦେଶ୍ୟରେ ମହାତ୍ମାଗାନ୍ଧୀ ଜାତୀୟ ନିଶ୍ଚିତ କର୍ମନିଯୁକ୍ତି ଯୋଜନାରେ ପଞ୍ଚାୟତ ସ୍ତରୀୟ କାମ ଯୋଗାଇ ଦେଇ ରାଜ୍ୟ ଓ କେନ୍ଦ୍ର ସରକାର ବାହାବା ନେବା ପାଇଁ ଚେଷ୍ଟା କରୁଛି । ହେଲେ ବାସ୍ତବିକ ଏହା କେତେ ଫଳପ୍ରଦ ହେଉଛି ସେନେଇ ପ୍ରଶ୍ନ ଉଠିଛି ।
ଦୁର୍ନୀତିର ଗନ୍ତାଘର ବାରୁଅ ପଞ୍ଚାୟତ, ନ୍ୟାୟପାଇଁ ଜିଲ୍ଲାପାଳଙ୍କ ଦ୍ୱାରସ୍ଥ ଗ୍ରାମବାସୀ
କେନ୍ଦ୍ରାପଡ଼ା ବ୍ଲକ ବାରୁଅ ପଞ୍ଚାୟତରେ ହୋଇଥିବା ଉନ୍ନୟନମୂଳକ କାର୍ଯ୍ୟରେ ଦୁର୍ନୀତିର ପ୍ରତିବାଦ କରି ଆଜି ଶହଶହ ପଞ୍ଚାୟତ ବାସିନ୍ଦା ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଗଣଧାରଣା ଦେଇଛନ୍ତି । ବାରୁଅ ପଞ୍ଚାୟତରେ ଅବସ୍ଥିତ ନବୋଦୟ ବିଦ୍ୟାଳୟକୁ କେନ୍ଦ୍ର ସରକାର ଲକ୍ଷଲକ୍ଷ ଟଙ୍କା ଦେଉଥିବା ବେଳେ ସେଠାରେ ଥିବା ଖେଳ ପଡ଼ିଆରେ ପଞ୍ଚାୟତ ପକ୍ଷରୁ ଲକ୍ଷାଧିକ ଟଙ୍କା ବିନିଯୋଗ ହୋଇଥିବା ଅଭିଯୋଗ ହୋଇଛି ।