କେନ୍ଦ୍ରାପଡାରେ ପହଞ୍ଚିଲା ହାଇଦରର ମୃତଦେହ, ଘର ପରିବର୍ତ୍ତେ ସିଧା ନିଆଗଲା କବରସ୍ଥାନ

20:37 July 25

କେନ୍ଦ୍ରାପଡାରେ ପହଞ୍ଚିଲା ହାଇଦରର ମୃତଦେହ, ଘର ପରିବର୍ତ୍ତେ ସିଧା ନିଆଗଲା କବରସ୍ଥାନ

କେନ୍ଦ୍ରାପଡା: କେନ୍ଦ୍ରାପଡାରେ ପହଞ୍ଚିଲା ଗ୍ୟାଙ୍ଗଷ୍ଟାର ହାଇଦରର ମୃତଦେହ । ମୃତଦେହ ଘରକୁ ନେବା ପରିବର୍ତ୍ତେ ସିଧା କବରସ୍ଥାନକୁ ନିଆଯାଇଥିବା ସୂଚନା ରହିଛି । କୌଣସି ଅପ୍ରିତିକର ପରିସ୍ଥିତିକୁ ଏଡାଇବା ପାଇଁ ସହରରେ ୧୪୪ ଧାରା ବଳବତ୍ତର ରହିଥିବାବେଳେ କୋଭିଡ କଟକଣା ଓ ଧାରା ୧୪୪ ଅନୁସାରେ ଶେଷକୃତ ଶେଷ କରାଯିବ । କେନ୍ଦ୍ରାପଡା ଜିଲ୍ଲା ପ୍ରଶାସନ ହାଇଦର ପରିବାର ସଦସ୍ୟଙ୍କ ସହ ଯୋଗାଯୋଗରେ ଥିବା ସୂଚନା ଦେଇଛନ୍ତି ଜିଲ୍ଲାପାଳ । ଇସଲାମ ଧର୍ମ ଅନୁସାରେ ଯାହା କିଛି ନିୟମ ରହିଛି ସେହି ଅନୁସାରେ ଶେଷକୃତ୍ୟ ସମ୍ପନ୍ନ କରାଯିବ ।  

ଅପରାହ୍ନରେ ହାଇଦରର ମୃତଦେହ ବ୍ୟବଚ୍ଛେଦ ସରିବା ପରେ ପରିବାର ଲୋକଙ୍କୁ ହସ୍ତାନ୍ତର କରିଥିଲା ପୋଲିସ । ଗତକାଲି ହାଇଦରର ମୃତ୍ୟୁ ପରେ ମୃତଦେହକୁ ବାଲେଶ୍ବର ଜିଲ୍ଲା ମୁଖ୍ୟ ଚିକିତ୍ସାଳୟରେ ରଖାଯାଇ ଥିବାବେଳେ ମୃତଦେହ ଆଣିବା ପାଇଁ ହାଇଦରର ପତ୍ନୀ ଓ ବୋହୂ ବାଲେଶ୍ବରରେ ପହଞ୍ଚିଥିଲେ । ତେବେ ବ୍ୟବଚ୍ଛେଦ ସରିବା ପରେ ପରିବାର ସଦସ୍ୟଙ୍କୁ ମୃତଦେହ ହସ୍ତାନ୍ତର କରିବା ପରେ ସନ୍ଧ୍ୟାରେ ହାଇଦର ମୃତଦେହ କେନ୍ଦ୍ରାପଡାରେ ପହଞ୍ଚିଛି ।  

କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ