କେନ୍ଦ୍ରାପଡା: ସଡକ ସୁରକ୍ଷା ମାସ ଅବସରରେ ସାଇକେଲ ଶୋଭାଯାତ୍ରା । ୩୨ ତମ ସଡକ ସୁରକ୍ଷା ମାସ ପାଳନ ଉପଲକ୍ଷେ କେନ୍ଦ୍ରାପଡ଼ା ଟାଉନରେ ଏକ ସାଇକେଲ ପରିକ୍ରମା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l
ସଡକ ସୁରକ୍ଷା ମାସରେ ଲୋକଙ୍କୁ ସଚେତନ କରିବା ପାଇଁ କେନ୍ଦ୍ରାପଡା ଜିଲ୍ଲା ଆଞ୍ଚଳିକ ପରିବହନ କାର୍ଯ୍ୟାଳୟ ଓ କେନ୍ଦ୍ରାପଡ଼ା ସାଇକେଲ କ୍ଲବର ମିଳିତ ସହଯୋଗରେ ଅନୁଷ୍ଠିତ ସାଇକେଲ ପରିକ୍ରମା କାର୍ଯ୍ୟକ୍ରମ । ଏହି କାର୍ଯ୍ଯକ୍ରମରେ ୮୦ରୁ ଅଧିକ ସାଇକଲ ଆରୋହୀ ଯୋଗ ଦେଇଥିଲେ l ଶ୍ରୀ ବଳଦେବ ଜୀଉଙ୍କ ମନ୍ଦିର ସମ୍ମୁଖରୁ ଏହି ସାଇକେଲ ଯାତ୍ରା ବାହାରି ସହର ପରିକ୍ରମା କରି ଗରାପୁର୍ ଛକ, ତିନିମୁହାଁଣୀ,ଦୁହୁରିଆ ଦେଇ ଆରଟିଓଙ୍କ କାର୍ଯ୍ୟାଳୟରେ ପହଞ୍ଚିଥିଲା l କେନ୍ଦ୍ରାପଡ଼ା ଅତିରିକ୍ତ ଜିଲ୍ଲାପାଳ ନରହରି ସେଠି ମୁଖ୍ୟ ଅତିଥି ଭାବେ ଯୋଗ ଦେଇ ସବୁଜ ପତାକା ଦେଖାଇ ଏହି ପରିକ୍ରମାର ଶୁଭାରମ୍ଭ କରିଥିଲେ l ସେହିପରି ଦୁହୁରିଆ ସ୍ଥିତ ଆଞ୍ଚଳିକ ପରିବହନ ଅଧିକାରୀଙ୍କ କାର୍ଯ୍ୟାଳୟ ପରିସରରେ ଅୟୋଜିତ ସାଧରଣ ସଭାରେ ଅତିଥି ଭାବେ ଯୋଗ ଦେଇ ଆଞ୍ଚଳିକ ପରିବହନ ଅଧିକାରୀ ନିଖିଲ ପଟ୍ଟନାୟକ ସଡ଼କ ସୁରକ୍ଷା ସଂପର୍କରେ ପ୍ରତ୍ୟେକ ବ୍ୟକ୍ତି ସଚେତନ ହେବା ଆବଶ୍ୟକ ବୋଲି ମତ ଦେବା ସହ ସଡକ ସୁରକ୍ଷା କାର୍ଯ୍ୟକ୍ରମରେ କେନ୍ଦ୍ରାପଡ଼ା ସାଇକେଲ କ୍ଲବର ଉଦ୍ୟମକୁ ପ୍ରଶଂସା କରିଥିଲେ l