କେନ୍ଦ୍ରାପଡ଼ା: ମତଦାନରୁ ବିରତ ରହିଲେ ଆଳି ବିଧାୟକ ପ୍ରତାପ କେଶରୀ ଦେବ ଓ ରାଜ ପରିବାର । ଆଜିଠାରୁ ଆରମ୍ଭ ହୋଇଛି ପଞ୍ଚାୟତ ନିର୍ବାଚନ । ପ୍ରଥମ ପର୍ଯ୍ୟାୟରେ ଆଳି ବ୍ଲକର ଦେମାଳ ପଞ୍ଚାୟତରେ ମତଦାନ ହେଉଥିଲା । ତେବେ ଉପସ୍ଥିତ ଥିବା ସତ୍ତ୍ବେ ଭୋଟ ଦେବାକୁ ଆସିନଥିଲେ ବିଜେଡିର ହେବିୱେଟ ନେତା ତଥା ଆଳି ବିଧାୟକ ପ୍ରତାପ ଦେବ ।
ଭୋଟ ଦେଲେନି ପ୍ରତାପ ଦେବ, ବିଜେଡିରେ ବିବାଦ ଥିବା ଚର୍ଚ୍ଚା
ବିଧାୟକ ଭୋଟ ଦେବାକୁ ନଆସିବା ସାଧାରଣ ଲୋକଙ୍କ ମତଦାନକୁ କିଛି ମାତ୍ରାରେ ପ୍ରଭାବିତ କରିଛି । ଆଳି ଦେମାଳ ପଞ୍ଚାୟତ ୧୬ ନମ୍ବର ବୁଥ୍ର କ୍ରମିକ ନମ୍ବର ୩ରେ ନାମ ଥାଇ ପୂର୍ବରୁ ଅନେକ ଥର ବିଧାୟକ ପ୍ରତାପ ଦେବ ମତ ସାବ୍ୟସ୍ତ କରି ଆସୁଥିଲେ । ଆଳି ବ୍ଲକରେ ବିଜେଡି ମଧ୍ୟରେ ଅନ୍ତଃକନ୍ଦଳ ଯୋଗୁଁ ବିଧାୟକ ଚଳିତ ନିର୍ବାଚନରେ ମତ ସାବ୍ୟସ୍ତ ନକରିଥିବା ଚର୍ଚ୍ଚା ହେଉଛି ।