କେନ୍ଦ୍ରାପଡା: ତୁଳସୀକ୍ଷେତ୍ର ପାନୀୟ ଜଳ ଯୋଗାଣ ଓ ପରିମଳ ଠିକାଦାର ଆକ୍ରମଣ ଘଟଣାକୁ ନେଇ ୩୦ରୁ ଉର୍ଦ୍ଧ୍ବ ଠିକାଦାର ଅତିରିକ୍ତ ଜିଲ୍ଲାପାଳଙ୍କୁ ଭେଟିଛନ୍ତି। ।
ସୂଚନା ଅନୁଯାୟୀ, ଗତ ୨୬ ନଭେମ୍ବର ସନ୍ଧ୍ୟାରେ ଜିଲ୍ଲା ଜଳ ଯୋଗାଣ ଓ ପରିମଳ ବିଭାଗରେ କାର୍ଯ୍ୟ କରୁଥିବା ଠିକାଦାର ତଥା ତୁଳସୀକ୍ଷେତ୍ର ପାନୀୟ ଜଳ ଯୋଗାଣ ଓ ପରିମଳ ଠିକାଦାର ସଙ୍ଘର ସମ୍ପାଦକ ଶୁଭେନ୍ଦୁ ରାଉତଙ୍କୁ ପଟ୍ଟାମୁଣ୍ଡାଇ ଥାନା ଦୋବନ୍ଧା ନିକଟରେ ମରଣାନ୍ତକ ଆକ୍ରମଣ କରାଯାଇଥିଲା।
RWSS ଠିକାଦାର ଶୁଭେନ୍ଦୁଙ୍କୁ ଆକ୍ରମଣ ଘଟଣା
ଏହି ଆକ୍ରମଣରେ ଗୁରୁତର ଆହତ ହୋଇ ଶୁଭେନ୍ଦୁ ବର୍ତ୍ତମାନ କଟକସ୍ଥିତ ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି । ଏପଟେ ଘଟଣାକୁ ୧୨ଦିନ ବିତି ଯାଇଥିଲେ ମଧ୍ୟ ପୋଲିସ ହାତ ଖାଲି ଓ ପ୍ରଶାସନିକ ତଦନ୍ତ ଶୂନ ହେବା କାରଣକୁ ବିରୋଧ କରି ସୋମବାର ୩୦ରୁ ଉର୍ଦ୍ଧ୍ବ ଠିକାଦାର ଅତିରିକ୍ତ ଜିଲ୍ଲାପାଳଙ୍କୁ ଭେଟିଛନ୍ତି।