କେନ୍ଦ୍ରାପଡା: କୋଭିଡ ଯୋଦ୍ଧାଙ୍କୁ ସରକାରୀ ସହାୟତା। କର୍ତ୍ତବ୍ୟ ସମ୍ପାଦନ କରୁଥିବାବେଳେ ଭାଇରସ ଲଢେଇରେ ହାରିଯାଇଥିବା ଦୁଇ ସରକାରୀ କର୍ମଚାରୀଙ୍କ ପରିବାରକୁ ୫୦ଲକ୍ଷ ଟଙ୍କା ଲେଖାଏଁ ସହାୟତା ରାଶି ପ୍ରଦାନ କରାଯାଇଛି।
କୋରୋନାରେ ମୃତ ସରକାରୀ କର୍ମଚାରୀଙ୍କ ପରିବାରକୁ ୫୦ଲକ୍ଷର ଚେକ ପ୍ରଦାନ
ଆଜି କେନ୍ଦ୍ରାପଡ଼ା ଜିଲ୍ଲା ଗ୍ରାମ୍ୟ ଉନ୍ନୟନ ବିଭାଗ ସଦଭାବନା ଗୃହରେ ଆୟୋଜିତ ଏହି ସହାୟତା ରାଶି ପ୍ରଦାନ କାର୍ଯ୍ୟକ୍ରମରେ ଜିଲ୍ଲାପାଳ ଯୋଗଦେଇଥିଲେ। ରାଜନଗର ବ୍ଲକରେ କାର୍ଯ୍ୟରତ ଥିବା ସମୟରେ ମୃତ୍ୟୁବରଣ କରିଥିବା କନିଷ୍ଠ ଯନ୍ତ୍ରୀ ବିଶ୍ବଭୂଷଣ ଭୂୟାଁ ଓ ପଟ୍ଟାମୁଣ୍ଡାଇ ବ୍ଲକ ପେଣ୍ଠପାଳ ପଞ୍ଚାୟତରେ କାର୍ଯ୍ୟରତ ସମ୍ପ୍ରସାରଣ ଅଧିକାରୀ ପ୍ରଫୁଲ୍ଲ କୁମାର ରାଉତଙ୍କ ପରିବାର ବର୍ଗଙ୍କୁ ଚେକ ପ୍ରଦାନ କରିଛନ୍ତି।