କେନ୍ଦ୍ରାପଡ଼ା: ଦୁର୍ଗମ ଅଞ୍ଚଳରେ ସୁଗମ ସ୍ୱାସ୍ଥ୍ୟ ସେବା ଯୋଗାଇ ଦେବା ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ଉଦ୍ୟମରେ କେନ୍ଦ୍ରାପଡା ଜିଲ୍ଲା ରାଜନଗର ଗୁପ୍ତି ଘାଟରେ ଆଜି ଶୁଭାରମ୍ଭ ହୋଇଛି ବୋଟ ଆମ୍ବୁଲାନ୍ସ । ବୋଟ ଆମ୍ବୁଲାନ୍ସକୁ ରାଜନଗର ବିଧାୟକ ଧ୍ରୁବ ସାହୁ ଶୁଭାରମ୍ଭ କରିଛନ୍ତି ।
ଅପହଞ୍ଚ ଇଲାକାରେ ସ୍ୱାସ୍ଥ୍ୟସେବା ଯୋଗାଇବ ବୋଟ ଆମ୍ବୁଲାନ୍ସ
ଏହି ବୋଟ ଆମ୍ବୁଲାନ୍ସ ସେବାରେ ୭ଟି ପଞ୍ଚାୟତର ୫୦ହଜାରରୁ ଊର୍ଦ୍ଧ୍ୱ ଲୋକେ ଉପକୃତ ହୋଇପାରିବେ। ମାତୃ ମୃତ୍ୟୁହାର କମାଇବା ପାଇଁ ଏହି ବୋଟ ଆମ୍ବୁଲାନ୍ସର ଶୁଭାରମ୍ଭ କରାଯାଇଛି ବୋଲି କୁହାଯାଇଛି । ଏହି ବୋଟ ଆମ୍ବୁଲାନ୍ସ, ଦୁର୍ଗମ ଅଞ୍ଚଳରେ କୌଣସି ଅସୁସ୍ଥ ବ୍ୟକ୍ତିଙ୍କ ଖବର ପାଇବା ମାତ୍ରେ, ନଦୀ ଭିତରେ କ୍ଷୀପ୍ର ଗତିରେ ଯାଇ ରୋଗୀକୁ ନଦୀ ପାର କରାଇବାରେ ସହାୟକ ହେବ ।