କେନ୍ଦ୍ରାପଡ଼ା: ଜିଲ୍ଲାର ଆଳି ଥାନା ଅଧିନ ବାଳକାଟି ପଞ୍ଚାୟତର ନାନା ଦୁର୍ନୀତିକୁ ପ୍ରତିବାଦ କରିଥିବା ଦଳିତ ପରିବାର ପ୍ରତି ଶାସକ ଦଳର ସରପଞ୍ଚ ଓ ତାଙ୍କ ସମର୍ଥକଙ୍କ ମରଣାନ୍ତକ ଆକ୍ରମଣ କରିଥିଲେ । ସେହିପରି ଜଗତସିଂହପୁର ଜିଲ୍ଲା ନାଉଗାଁ ବ୍ଲକ ଅଧୀନ ବଂଶ,ଘୋଡ଼ାଷ ଓ ନାଉଗାଁ ପଞ୍ଚାୟତରେ ମନରେଗା ପ୍ରକଳ୍ପରେ ଦଳିତ ମହିଳାମାନଙ୍କ ପ୍ରକୃତ ପ୍ରାପ୍ୟ ପ୍ରଦାନରେ ଅବହେଳା ପ୍ରତିବାଦରେ ନାଉଗାଁ ବ୍ଲକ ସମ୍ମୁଖରେ ହେଉଥିବା ଗଣଧାରଣା ସମୟରେ ବିଜେଡି ସମର୍ଥିତ ସରପଞ୍ଚ ଓ ସେମାନଙ୍କ ସମର୍ଥକ ମାନେ ମହିଳାଙ୍କୁ ଆକ୍ରମଣ କରିଥିଲେ ।
ଶାସକ ଦଳର ଦଳିତଙ୍କୁ ଆକ୍ରମଣ ବିରୋଧରେ ଆସନ୍ତା ୧୦ରେ ଜିଲ୍ଲାପାଳ କାର୍ଯ୍ୟାଳୟ ଘେରିବ ବିଜେପି
ଏଥିସହିତ ସମ୍ବିଧାନ ପ୍ରଣେତା ଡ଼ଃ ଆମ୍ବେଦକରଙ୍କ ଫଟୋଚିତ୍ରକୁ ଅସମ୍ମାନ ପ୍ରଦର୍ଶନ କରିବା ପ୍ରତିବାଦରେ ବିଜେପି ତରଫରୁ ଜିଲ୍ଲା କାର୍ଯ୍ୟାଳୟରେ ଏକ ପ୍ରେସମିଟ କରାଯାଇ ଏହାକୁ ଦୃଢ ନିନ୍ଦା କରାଯାଇଛି।