କେନ୍ଦ୍ରାପଡା: ରାଜ୍ୟ ପ୍ରତି କେନ୍ଦ୍ର ସରକାରଙ୍କ ବୈମାତୃକ ମନୋଭାବ ବିରୋଧରେ ବିଜୁ ଯୁବ ଜନତା ଦଳ ଓ ଛାତ୍ର ଜନତା ଦଳ ପକ୍ଷରୁ ଆରମ୍ଭ ହୋଇଛି 'ହକ ମାଗୁଛି ଓଡିଶା' ଅଭିଯାନ । ଆଜି ଅପରାହ୍ନରେ କେନ୍ଦ୍ରାପଡ଼ା ପାଟକୁରା ନିର୍ବାଚନ ମଣ୍ଡଳୀ ଅନ୍ତର୍ଗତ ଡେରାବିଶ୍ ବ୍ଲକର ୧୩ ନମ୍ବର ଜୋନରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଛି।
ଏହି କାର୍ଯ୍ୟକ୍ରମରେ ଶତାଧିକ ଯୁବ ଛାତ୍ର, ବୁଦ୍ଧିଜୀବି ଓ ସାଧାରଣ ଲୋକ ଯୋଗଦେଇଥିଲେ । ଏହାସହ କେନ୍ଦ୍ରରେ କ୍ଷମତାସୀନ ଥିବା ବିଜେପି ସରକାର ସହ କଂଗ୍ରେସ ବାରମ୍ବାର ରାଜ୍ୟକୁ ତା'ର ନ୍ୟାର୍ଯ୍ୟ ଅଧିକାର ନ ଦେବା ସମ୍ବନ୍ଧରେ କ୍ଷୋଭପ୍ରକାଶ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦ୍ରାପଡା ଏହି କାର୍ଯ୍ୟକ୍ରମରେ ବିଜେଡି ଡେରାବିଶ ବ୍ଲକ ସଭାପତି ଦେବାଶିଷ ଆଚାର୍ଯ୍ୟ ମୁଖ୍ୟ ଅତିଥି ଭାବରେ ଯୋଗ ଦେଇ କେନ୍ଦ୍ର ସରକାର କେବଳ ବାହାସ୍ଫୋଟ ମାରି ଜାଣନ୍ତି ବୋଲି କହିଛନ୍ତି । ଏହାସହ କେନ୍ଦ୍ର ସରକାର ରାଜ୍ୟର ଖଣିଜ ଦ୍ରବ୍ୟକୁ ବହୁଳ ପରିମାଣରେ ବ୍ୟବହାର କରୁଥିଲେ ମଧ୍ୟ ସ୍ୱତନ୍ତ୍ର ରାଜ୍ୟ ପାହ୍ୟା ଦେବାରେ ପଛଘୁଞ୍ଚା ଦେଉଥିବା ବକ୍ତବ୍ୟରେ କୁହାଯାଇଛି।
ଅନ୍ୟମାନଙ୍କ ମଧ୍ୟରେ ୧୩ନଂ ଜୋନ ଜିଲ୍ଲା ପରିଷଦ ସଭ୍ୟା ଜବା ମୁର୍ମୁ, ଲୋକ ପ୍ରତିନିଧି ଉମାକାନ୍ତ ନାୟକ, ବିଜେଡି ନେତା ଭବାନୀ ଓଝା, କେଳୁଚରଣ ନାଥ ଓ ବ୍ଲକ ଯୁବ ସଂଯୋଜକ ରମେଶ ଗେରୁ ପ୍ରମୁଖ ଉପସ୍ଥିତ ରହି କେନ୍ଦ୍ର ସରକାରଙ୍କୁ ଚଳିତ ନିର୍ବାଚନରେ ଉଚିତ ଜବାବ ଦିଆଯିବ ବୋଲି ନିଜ ଅଭିଭାଷଣରେ କହିଛନ୍ତି।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
