କେନ୍ଦ୍ରାପଡ଼ା: ଚର୍ଚ୍ଚା ଓ ବିବାଦ ଘେରରେ ଛନ୍ଦି ହୋଇପଡିଛନ୍ତି କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତି । କେନ୍ଦ୍ର ସଂଖ୍ୟାଲଘୁ ମନ୍ତ୍ରଣାଳୟକୁ ଚିଠି ଲେଖି ସମାଲୋଚିତ ହୋଇଥିବା ଅନୁଭବଙ୍କ ପାଇଁ ମୁହଁ ଖୋଲିଛି ବିଜେଡ଼ି ସଂଖ୍ୟାଲଘୁ ସେଲ । ତାଙ୍କ ଚିଠିକୁ ଭୁଲ ଅର୍ଥରେ ନିଆଯାଉଛି ବୋଲି ସେଲ ପକ୍ଷରୁ ସଫେଇ ଦିଆଯାଇଛି ।
ସାଂସଦ ଅନୁଭବଙ୍କ ପାଇଁ ମୁହଁ ଖୋଲିଲା ବିଜେଡି ସଂଖ୍ୟାଲଘୁ ସେଲ
କେନ୍ଦ୍ରାପଡା ଜିଲ୍ଲାକୁ ମାଇନରିଟି କମ୍ୟୁନିଟି ଡିଷ୍ଟ୍ରିକ୍ଟ(MCD)ର ମାନ୍ୟତା ଦେବା ପାଇଁ କେନ୍ଦ୍ର ସଂଖ୍ୟାଲଘୁ ମନ୍ତ୍ରଣାଳୟକୁ ସାଂସଦ ଅନୁଭବ ଚିଠି ଲେଖିଥିଲେ । ଏହାପରେ ତାଙ୍କୁ ସମାଲୋଚନା କରାଯାଇଥିବା ବେଳେ ବିଜେଡି ସଂଖ୍ୟାଲଘୁ ସେଲ ତାଙ୍କ ସମର୍ଥନରେ ଛିଡା ହୋଇଛି । ସାଂସଦ ଅନୁଭବଙ୍କ ଚିଠିକୁ ଭୁଲ ଅର୍ଥରେ ନିଆଯାଉଛି ବୋଲି ସେଲ ସଫେଇ ଦେଇଛି । ସେହିପରି ଗଜପତି, ରାୟଗଡା, ଭଦ୍ରକ, କନ୍ଧମାଳ ଓ ସୁନ୍ଦରଗଡ଼ ଜିଲ୍ଲାରେ ମାଇନରିଟିମାନଙ୍କୁ ଦିଆଯାଉଥିବା ସୁବିଧା ସୁଯୋଗ କେନ୍ଦ୍ରାପଡ଼ା ଜିଲ୍ଲାକୁ ପ୍ରଦାନ ପାଇଁ ଦାବି କରିଛନ୍ତି ।