କୁମ୍ଭୀର ଗଣନା ଆରମ୍ଭ, 10ଦିନ ପାଇଁ ଭିତରକନିକା ବନ୍ଦ

କୁମ୍ଭୀର ଗଣନାକୁ ଦୃଷ୍ଟିରେ ରଖି ରାଜନଗର ବନବିଭାଗ ଡିସେମ୍ବର ୨୬ରୁ ଜାନୁୟାରୀ ୪ ତାରିଖ ପର୍ଯ୍ୟନ୍ତ ଭିତରକନିକା ବନ୍ଦ ରଖିବାକୁ ବନବିଭାଗ ଅଧିକାରୀ ବିକାଶ ରଞ୍ଜନ ଦାଶ ସୂଚନା ଦେଇଛନ୍ତି।

କେନ୍ଦ୍ରାପଡା: ଆଜିଠାରୁ(ଗୁରୁବାର) ଭିତରକନିକାରେ ଆରମ୍ଭ ହୋଇଛି କୁମ୍ଭୀର ଗଣନା । ଯାହାକୁ ଦୃଷ୍ଟିରେ ରଖି ପର୍ଯ୍ୟଟକଙ୍କ ଲାଗି 10ଦିନ ପାଇଁ ବନ୍ଦ ରହିବ ଭିତରକନିକା ଜାତୀୟ ଉଦ୍ୟାନ । ଡିସେମ୍ବର ୨୬ରୁ ଜାନୁୟାରୀ ୪ ତାରିଖ ପର୍ଯ୍ୟନ୍ତ ଭିତରକନିକା ବନ୍ଦ ରଖିବାକୁ ବନବିଭାଗ ଅଧିକାରୀ ବିକାଶ ରଞ୍ଜନ ଦାଶ ସୂଚନା ଦେଇଛନ୍ତି।

ଏହି ସମୟରେ ସମୁଦ୍ରରେ ଜୁଆର ଯୋଗୁଁ ଅଧିକ ସଂଖ୍ୟକ କୁମ୍ଭୀର ସ୍ଥଳଭାଗ ମୁହାଁ ହେଉଥିବାବେଳେ ଏମାନଙ୍କୁ ସହଜରେ ଗଣନା କରାଯାଇପାରିବ।

ତେବେ ଏ ସମୟରେ ପର୍ଯ୍ୟଟକଙ୍କ ପାଇଁ ଭିତରକନିକା ଖୋଲା ରଖିଲେ, ଅଧିକ ସଂଖ୍ୟକ ବୋଟ ଚଳାଚଳ କରିବ । ଯେଉଁଥିପାଇଁ କୁମ୍ଭୀର ମାନଙ୍କ ଗଣନା ସହଜ ଓ ନିର୍ଭୁଲ ହେବ ନାହିଁ। ଏଥିପାଇଁ ଏହି ସମୟରେ ପର୍ଯ୍ୟଟକଙ୍କୁ ଭିତରକନିକା ନ ଆସିବାକୁ ରାଜନଗର ବନବିଭାଗ ପକ୍ଷରୁ ସୂଚନା ଦିଆଯାଇଛି ।

କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ