କେନ୍ଦ୍ରାପଡ଼ାରେ ମିଳିତ ଟ୍ରେଡ଼ ୟୁନିୟନ ପକ୍ଷରୁ ବନ୍ଦ ପାଳନ

ଦେଶବ୍ୟାପୀ ସାଧାରଣ ଧର୍ମଘଟ ପରିପ୍ରେକ୍ଷୀରେ କେନ୍ଦ୍ରାପଡ଼ାରେ ମିଳିତ ଟ୍ରେଡ଼ ୟୁନିୟନ ପକ୍ଷରୁ ବନ୍ଦ ପାଳନ କରାଯାଇଛି l

କେନ୍ଦ୍ରାପଡା: ଦେଶବ୍ୟାପୀ ସାଧାରଣ ଧର୍ମଘଟ ପରିପ୍ରେକ୍ଷୀରେ କେନ୍ଦ୍ରାପଡ଼ାରେ ମିଳିତ ଟ୍ରେଡ଼ ୟୁନିୟନ ପକ୍ଷରୁ ବନ୍ଦ ପାଳନ କରାଯାଇଛି l ସହରର ବିଭିନ୍ନ ସ୍ଥାନରେ ଧର୍ମଘଟକାରୀମାନେ ରାସ୍ତା ଅବରୋଧ କରିଛନ୍ତି l ସହରର ପ୍ରମୁଖ ଛକ ଦୁହୁରିଆ, ତିନିମୁହାଣି, ବସଷ୍ଟାଣ୍ଡ, ସାନ୍ତ ସାହି ଛକ ପ୍ରଭୃତି ସ୍ଥାନ ମାନଙ୍କରେ କେନ୍ଦ୍ର ସରକାରଙ୍କ ବିଭିନ୍ନ ନୀତି ବିରୁଦ୍ଧରେ ନାରାବାଜି କରିବା ସହ ରାସ୍ତା ଅବରୋଧ କରାଯାଇଛି l

ଏହାଦ୍ବାରା ସାଧରଣ ଜନ ଜୀବନ ପ୍ରଭାବିତ ହୋଇଛି l ଅନ୍ୟପକ୍ଷରେ ବନ୍ଦର ପ୍ରଭାବକୁ ଦୃଷ୍ଟିରେ ରଖି ଜିଲ୍ଲାରେ ସମସ୍ତ ସ୍କୁଲ ଓ ଅଙ୍ଗନବାଡି କେନ୍ଦ୍ରକୁ ଛୁଟି ଘୋଷଣା କରାଯାଇଛି l ଦରଦାମ୍ ବୃଦ୍ଧି, 21 ହଜାର ଟଙ୍କା ସର୍ବନିମ୍ନ ମଜୁରି, ସମାନ କାମକୁ ସମାନ ଦରମା,10 ହଜାର ଟଙ୍କା ମାସିକ ପେନସନ, ଶ୍ରମ ଆଇନରେ ପରିବର୍ତ୍ତନ ପ୍ରଭୁତି ଦାବି କରିଛନ୍ତି ମିଳିତ ଟ୍ରେଡ଼ ୟୁନିୟନ।

କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ