କେନ୍ଦ୍ରାପଡା: ଜିଲ୍ଲା ଗହୀରମଥା ବନାଞ୍ଚଳ ଶାସନପେଟା ରେଞ୍ଜ ଅଫିସ୍ ପରିସରରେ ସାମୁଦ୍ରିକ କଇଁଛ ସୁରକ୍ଷା ସଚେତନତା ଶିବିର ଅନୁଷ୍ଠିତ ହୋଇଯାଇଛି ।
ଲୁଣା ଜଙ୍ଗଲ ବନଖଣ୍ଡ ବନ୍ୟଜୀବ ରାଜନଗର ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ କେନ୍ଦ୍ରାପଡା ଏସ୍ପି ନିତିଶେଖର, ଡିଏଫଓ ରାଜନଗର ବନଖଣ୍ଡ ,ଜିଲ୍ଲା ମତ୍ସ୍ୟ ଅଧିକାରିଣୀ ଯୋଗଦେଇଥିଲେ । ଗହୀରମଥା ଉପକୂଳରେ ସମୂହ ଅଣ୍ଡା ଦାନ ପାଇଁ ଆସୁଥିବା ଅଲିଭରିଡଲେ ସାମୁଦ୍ରିକ କଇଁଛଙ୍କ ସୁରକ୍ଷା ନିମନ୍ତେ ଗହୀରମଥାର ନିଷିଦ୍ଧାଞ୍ଚଳରେ ନଭେମ୍ବର 1 ତାରିଖରୁ ମେ ମାସ 30 ତାରିଖ ପର୍ଯ୍ୟନ୍ତ ମାଛଧରା ସମ୍ପୂର୍ଣ୍ଣ ନିଷିଦ୍ଧ କରାଯାଇଥାଏ । ତେଣୁ ଏହି ସଚେତନତା କାର୍ଯ୍ୟକ୍ରମ ମାଧ୍ୟମରେ ମତ୍ସ୍ୟଜିବୀଙ୍କ ମଧ୍ୟରେ ସଚେତନତା ସୃଷ୍ଟି କରିବା ନିମନ୍ତେ ଏହି ଶିବିରର ଆୟୋଜନ କରାଯାଇଥିଲା ।
ସାମୁଦ୍ରିକ କଇଁଛ ସୁରକ୍ଷା ନେଇ ସଚେତନତା ଶିବିର ଅନୁଷ୍ଠିତ