କେନ୍ଦ୍ରାପଡା: ଗୁରୁବାର ଜାତୀୟ ଉଦ୍ୟାନ ଭିତରକନିକା ମଧ୍ୟରେ ଓ ବାହାରେ ଆରମ୍ଭ ହୋଇଛି କୁମ୍ଭୀର ଗଣନା । ବିଶ୍ୱରେ ବିରଳ ଧଳା କୁମ୍ଭୀର ପାଇଁ ଜଣାଶୁଣା ଥିବା ଏହି ଜାତୀୟ ଉଦ୍ୟାନରେ ଗତକାଲି ଆଉ ଏକ ଧଳା କୁମ୍ଭୀରର ନାମକରଣ କରାଯାଇଛି । ଡାଙ୍ଗମାଳ ସଂରକ୍ଷଣ କେନ୍ଦ୍ର ଠାରେ ଥିବା ୩ ବର୍ଷର ଧଳା କୁମ୍ଭୀରର କରାଯାଇଛି ନାମକରଣ। ଶଙ୍ଖ ଭଳି ଧଳା ଦେଖାଯାଉଥିବା ଅଢେଇ ଫୁଟ କୁମ୍ଭୀରର ନାମ ଶ୍ବେତା ରଖାଯାଇଛି। ପୂର୍ବରୁ ଗୋରୀ ଏବଂ ମଲ୍ଲୀ ଭିତରକନିକାରେ ପର୍ଯ୍ୟଟକ ମାନଙ୍କ ଆକର୍ଷଣର କେନ୍ଦ୍ର ବିନ୍ଦୁ ପାଲିଟିଥିବା ବେଳେ ଏବେ ଶ୍ବେତା ମଧ୍ୟ ପର୍ଯ୍ୟଟକ ମନକୁ ମୋହିତ କରିବ ବୋଲି ଆଶାବ୍ୟକ୍ତ କରାଯାଇଛି ।
ଭିତରକନିକାରେ ତୃତୀୟ ଧଳା କୁମ୍ଭୀର ଶ୍ବେତା