କେନ୍ଦ୍ରାପଡା: ଋଣ ଦେବା ନାଁରେ ଠକେଇ ଅଭିଯୋଗ। ଲକ୍ଷେ ନୁହେଁ 2 ଲକ୍ଷ ନୁହେଁ 14 ଲକ୍ଷ ଠକିନେଲା ଜଣେ ବ୍ୟକ୍ତି । ନ୍ୟାୟ ଆଶାରେ ଅତିରିକ୍ତ ଜିଲ୍ଲାପାଳଙ୍କ ଦ୍ବାରସ୍ଥ ହେଲେ ମହିଳା । ଏଭଳି ଅଭିଯୋଗ ଆସିଛି କେନ୍ଦ୍ରାପଡ଼ା ମହାକାଳପଡା ବ୍ଲକରୁ ।
ଋଣ ଦେବା ନାଁରେ 14 ଲକ୍ଷ ଟଙ୍କା ଠକେଇ ଅଭିଯୋଗ
ଅକ୍ଷୟ ମଲ୍ଲିକ ନାମକ ଜଣେ ବ୍ୟକ୍ତି ପାଖାପାଖି ୪୦୦ଜଣ ମହିଳାଙ୍କୁ ଲକ୍ଷେ ଟଙ୍କା ଲେଖାଏଁ ଋଣ ଦେବା ନାଁ କହି ଜଣଙ୍କ ପିଛା ୩୫୦୦ ଟଙ୍କା ଠକିନେଇଛି । ପ୍ରାୟ ୧୪ଲକ୍ଷ ଟଙ୍କା ଠକେଇ କରିଥିବା ଏହି ଅଭିଯୋଗ ନେଇ ମହିଳାମାନେ ନ୍ୟାୟାଳୟର ଦ୍ବାରସ୍ଥ ହୋଇଥିବା ବେଳେ ସେଠାରୁ ମାମଲା ସଦର ଥାନାରେ ପହଞ୍ଚିଥିଲା । ହେଲେ ପୋଲିସର ନିଷ୍କ୍ରିୟତା ପାଇଁ ଅଭିଯୁକ୍ତ ଧରା ପଡୁନଥିବା ପ୍ରତିବାଦ କରି ମହିଳାମାନେ ବୁଧବାର ଅତିରିକ୍ତ ଜିଲ୍ଲାପାଳଙ୍କ ନିକଟରେ ଅଭିଯୋଗ କରିଛନ୍ତି।