କେନ୍ଦ୍ରାପଡା:ଜିଲ୍ଲା ମହାକାଳପଡା ତେରଗାଁର ପୋଲିସ ଅଧିକାରୀ ଶ୍ରୀଧର ବେହେରାଙ୍କ ମୃତ୍ୟୁ ପରେ ଅସହାୟ ହୋଇପଡିଛି ତାଙ୍କ ପୁରା ପରିବାର । ଅଧିକାରୀଙ୍କ ତିନି ଝିଅ ପୂଜାରାଣୀ, ରୋଜାଲିନ ଓ ଲକ୍ଷ୍ମୀପ୍ରିୟାଙ୍କ ଦୁଃଖର କାହାଣୀ ସମ୍ପର୍କରେ ସୋମବାର ଇଟିଭି ଭାରତରେ ଖବର ପ୍ରସାରଣ ହୋଇଥିଲା । ଖବର ପ୍ରସାରଣ ପରେ ମଙ୍ଗଳବାର ତିନି ଭଉଣୀ ଜିଲ୍ଲା ପ୍ରଶାସନ ପାଖରେ ପହଞ୍ଚି ସହଯୋଗ ଭିକ୍ଷା କରିଥିଲେ । ସେମାନେ ଅତିରିକ୍ତ ଜିଲ୍ଲାପାଳ ନରହରି ସେଠୀଙ୍କୁ ସାକ୍ଷାତ କରିଥିଲେ । ତେବେ ଆନୁସଙ୍ଗିକ କାଗଜପତ୍ର ଜମା କରାଯିବା ପରେ ପ୍ରଶାସନ ପକ୍ଷରୁ ସେମାନଙ୍କୁ ସହଯୋଗ କରାଯିବ ବୋଲି ଅତିରିକ୍ତ ଜିଲ୍ଲାପାଳ କହିଛନ୍ତି ।
ଶ୍ରୀଧରଙ୍କ ପରିବାରକୁ ସହାୟତାର ପ୍ରତିଶ୍ରୁତି ଦେଲେ ପ୍ରଶାସନ