କେନ୍ଦ୍ରାପଡା: ଦୀର୍ଘ ୭ ବର୍ଷ ପରେ ଦୋଷୀକୁ ମିଳିଲା ଦଣ୍ଡ । କେନ୍ଦ୍ରାପଡା ଜିଲ୍ଲା ସଦର ଥାନା ଅନ୍ତର୍ଗତ କସୋଟି ଗାଁର ଜଣେ ନାବାଳିକାକୁ ଅପହରଣଘଟଣାରେ ଦୋଷୀକୁ ଆଜୀବନ କାରାଦଣ୍ଡ ହୋଇଛି । ଦଣ୍ଡାଦେଶ ଶୁଣାଇଛନ୍ତି ଜିଲ୍ଲା ଫାଷ୍ଟଟ୍ରାକ ପୋକ୍ସ କୋର୍ଟ ।
ଅଭିଯୁକ୍ତକୁ ଆଜୀବନ କାରାଦଣ୍ଡ
ସୂଚନାଅନୁସାରେ ୨୦୧୪ ମେ ମାସ ୨୯ ତାରିଖରେ ଟ୍ୟୁସନ ଯାଉଥିବା ସମୟରେ ଅଭିଯୁକ୍ତ ଜଣଙ୍କ ନାବାଳିକାକୁ ଅପହରଣ କରି ନେଇଥିଲା । ଏହାପରେ ପରିବାରକୁ ପାଞ୍ଚ ଲକ୍ଷ ଟଙ୍କା ଦେଲେ ଝିଅକୁ ଛାଡିବ ବୋଲି କହିଥିଲା ଅଭିଯୁକ୍ତ । ପରିବାର ପକ୍ଷରୁ ଅଭିଯୋଗ କ୍ରମେ ଗିରଫ ହୋଇ ବିଚାରଧୀନ କଏଦୀ ଭାବରେ ଜେଲରେ ଥିଲା ଅଭିଯୁକ୍ତ । ଅଗଷ୍ଟ ୧୭ ୨୦୧୪ରେ ପିପିଲିରୁ ଧରା ପଡିଥିଲା ଅଭିଯୁକ୍ତ ।