କେନ୍ଦ୍ରାପଡ଼ା: ବନ୍ଧା ହେଲା ବନ୍ଧୁ ଦ୍ରୋହୀ । ପୋଲିସ ଆଖିରେ ଧୂଳି ଦେଇ ଫେରାର ଥିବା ବନ୍ଧୁଦ୍ରୋହୀ ଅକ୍ଷୟକୁ ବାନ୍ଧିଛି ପୋଲିସ । ପଟ୍ଟାମୁଣ୍ଡାଇ ବ୍ଲକ ବାଲିପାଟଣା ଅଞ୍ଚଳର ଭାଗବତ ଦାଶଙ୍କୁ ସମୁଦ୍ର ବେଳାଭୂମି ବୁଲିବାକୁ ଡାକିନେଇ ତାଙ୍କ ଯୌନାଙ୍ଗ କାଟି ଦେଇଥିବା ଅଭିଯୋଗ ହୋଇଥିଲା । କେନ୍ଦ୍ରାପଡା ରାଜନଗର ଥାନା ପେଣ୍ଠ ବେଳାଭୂମିରେ ଘଟିଥିଲା ଏଭଳି କାଣ୍ଡ । ଗୁରୁତର ଅବସ୍ଥାରେ ଏବେ ମଧ୍ୟ ମେଡିକାଲରେ ଚିକିତ୍ସାଧିନ ଅଛନ୍ତି ଭାଗବତ । ତେବେ ଗିରଫ ହେବାପରେ ଚାଞ୍ଚଲ୍ୟକର ବୟାନ ଦେଇଛି ଅଭିଯୁକ୍ତ । ଭାଗବତ ଜୋର ଜବରଦସ୍ତ ଅପ୍ରାକୃତିକ ଯୌନ ସମ୍ପର୍କ ରଖୁଥିବା ପାଲଟା ଅଭିଯୋଗ କରିଛି ଅଭିଯୁକ୍ତ ।
ଏହା ମଧ୍ୟ ପଢ଼ନ୍ତୁ..ମହାକାଳପଡ଼ାରେ ଅଜଣା ଜନ୍ତୁ ଆତଙ୍କ, ୪ ଦିନରେ ମଲେଣି ୪୦ ମେଣ୍ଢା
କେନ୍ଦ୍ରାପଡା ରାଜନଗର ଥାନା ପେଣ୍ଠ ବେଳାଭୂମିରେ ଆଳି ବ୍ଲକ ବାଙ୍କେଶ୍ୱର ଅଞ୍ଚଳର ଅଭିଯୁକ୍ତ ପଟ୍ଟାମୁଣ୍ଡାଇ ବ୍ଲକର ବାଲିପାଟଣା ଅଞ୍ଚଳର ଭାଗବତ ଦାଶଙ୍କ ସହିତ ପେଣ୍ଠ ବେଳାଭୂମିକୁ ବୁଲିବାକୁ ଯାଇଥିବା ବେଳେ ତାଙ୍କ ସାଙ୍ଗ ଭାଗବତ ଦାଶର ଯୌନାଙ୍ଗ କାଟିଦେବା ଘଟଣା ସମଗ୍ର ଜିଲ୍ଲାରେ ଚର୍ଚ୍ଚାର ପ୍ରସଙ୍ଗ ପାଲଟିଥିଲା । ତେବେ ଅଭିଯୁକ୍ତକୁ ପୋଲିସ ଧରିବା ପରେ ଘଟଣା ଏବେ ନୂଆ ମୋଡ଼ ନେଇଛି । ଘଟଣାର ସତ୍ୟାସତ୍ୟ କେତେ ରହିଛି ତାହା ପୋଲିସ ତଦନ୍ତ କରୁଥିବା ଜଣାପଡିଛି । ଅନ୍ୟପଟେ ପୋଲିସ ଏ ପ୍ରସଙ୍ଗରେ ନୀରବତା ଅବଲମ୍ବନ କରିବା ଘଟଣାର ସତ୍ୟାସତ୍ୟ ଉପରେ ସନ୍ଦେହ ସୃଷ୍ଟି କରିଛି ।