କେନ୍ଦ୍ରାପଡା: ପୋଖରୀରୁ ଜଣେ ଯୁବକର ମୃତଦେହ ଉଦ୍ଧାର । କେନ୍ଦ୍ରାପଡା ସଦର ଥାନା ଅଧିନ ଖସାପଡ଼ିଆ ଗ୍ରାମରେ ଜଣେ 40 ବର୍ଷୀୟ ଯୁବକଙ୍କ ମୃତଦେହ ପୋଖରୀରୁ ଉଦ୍ଧାର କରାଯାଇଛି। ଆଜି ଅପରାହ୍ନରେ ପୋଖରୀରେ ଏକ ମୃତଦେହ ଭାସୁଥିବା ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ ।
ଭିଡିଓ ସୌଜନ୍ୟ:ସମ୍ବାଦଦାତା, କେନ୍ଦ୍ରାପଡା
ମୃତକ ଜଣକ ଠାକୁରହାଟ ଖସାପଡ଼ିଆ ଗ୍ରାମର ସାରଦା ପ୍ରସାଦ ନାୟକ ବୋଲି ଜଣାପଡ଼ିଛି। ଗତକାଲି ଗାଁରେ ହେଉଥିବା ଗଣେଶ ପୂଜା ଭସାଣୀରେ ଯାଇ ସାରଦା ନିଖୋଜ ଥିଲେ। ଆଜି ବିଭିନ୍ନ ସ୍ଥାନରେ ଖୋଜାଖୋଜି ପରେ ସାରଦାଙ୍କ ମୃତଦେହ ଏକ ପୋଖରୀରେ ଭାସୁଥିବା ଦେଖିବାକୁ ମିଳିଥିଲା ।